Vërtetësia e fletëve të votimit/ Berisha ftesë deputetëve dhe kryetarëve të degëve

18 Dhjetor 2021, 20:30, Politikë CNA

Lideri historik, Sali Berisha pas rezultateve të fitores u ka bërë thirrje deputëtevë dhe kryetarëve të degëve, që të shkojnë e të tërheqin listat dhe procesverbalet, për të parë të vërtetën në sy dhe të mos bëhen pjesë e skenarëve të Bashës.

Më tej ish kryeministri ftoi ata të rikthehen në shtëpinë e tyre të lirisë, në Partinë Demokratike.

?Mirënjohje të pakufijshme edhe për këtë pjesëmarre të jashtëzakonshme. Kur i kujtoj këtu se në një proces të manipuluar nga fillimi gjer në fund që në qershor, Lulzim Brava u votua nga 32 mijë anëtarë, ndërsa sot kundër tij kanë votuar si njerëz të lirë, si demokratë të lirë, rreth 44 mijë anëtarë të PD. Kjo dëshmon edhe një herë se deputeti Basha ka humbur çdo lloj besimi dhe është gjykuar ashpër nga PD në referendumin e saj të parë të thirrur. Unë kam gjithashtu sugjerimet e mia:

-Çdo deputeti të PD, e ftoj të marrë dhe të vijë listën e plotë të anëtarësisë që ka votuar, në mënyrë që të ballafaqojë veten me përgjegjësitë që ka ai ndaj këtyre votuesve. Këtu është e tërë anëtarësia e PD. Mos besoni ju numrat se në statistikat e tyre ju them në mënyrë absolute, nuk ka asnjë gjë të saktë. E patë se ç’ndodhi me antiKuvendin e shoqatës së tyre?

Meqenëse numrin e kapën mediat, vendosën të falsifikojnë, nëpërmjet zyrës së pengmarrësit Edi Rama, numrin e karrigeve në Pallatin e Kongreseve. Publikuan shifra të paimagjinueshme. Revolucioni po saktëson gjithçka, ndaj ftoj deputetët të marrin listën e të kontrollojnë dhe të nxjerrin konkluzionet. PD kaloi krizën më të thellë, duke rikthyer standardet e lirisë.

Të mos sillen më si njerëz pa vision politik Një pjesë e mirë e tyre kanë qenë zyrtarë tek unë, kanë punuar dhe kam patur vlerësim të madh. Tjetër është zyrtar e tjetër politikan. Depueti është i detyruar të gjykojë politikisht, të mos bëhen instrumenta të një skenari nga më i turpshmi. Unë di qëllimet e tyre, por referendumi është apel për qëllimet e tyre politike.

-Ftoj kryetarët e degëve edhe ata që ka emëruar Lul Brava, të vijnë të marrin procesverbalet e anëtarësisë së tyre dhe të mos bashkëpunojnë me skenarë, që në mënyrë absolute nuk do të mund ta pengojnë këtë revolucion.

-Ata që kanë bërë gati ato për karrige qeveritare, hiqni dorë nga ky skenar, revolucioni do t’u fshijë ju bashkë me pengmarrësin tuaj. Akti i tradhtisë së lartë nuk do të tolerohet nga demokratët e këtij vendi. Rikthehuni në shtëpinë tuaj. PD është shtëpia e lirisë?, tha Berisha./CNA.al