E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Gruaja largohet nga banesa dhe braktis fëmijët e mitur/ Burri kërkon ndihmë në polici

15 Dhjetor 2021, 15:45, Kronika CNA

Policia e Kolonjës ka shpallur në kërkim një 31 vjeçare me inicialet P.K, e cila është larguar nga banesa dhe ka braktisur dy fëmijët e mitur.

E reja është denonuar nga bashkëshorti i saj , ku ka kërkuar ndihmën e uniformave blu për të gjetur vendndodhjen e saj.

Mbi 31 vjeçaren rëndon vepra penale ?Braktisja e fëmijës së mitur?.

Njoftimi i Policisë:

Vihen në pranga 3 shtetas dhe shpallet në kërkim 1 tjetër, për vepra të ndryshme penale.

Specialistët për Hetimin e Krimeve në Komisariatin e Policisë Korçë, bënë ndalimin e shtetasve në kërkim A. M., 52 vjeç dhe M. S., 23 vjeç, banues në Korçë, pasi Gjykata e Posaçme e Shkallës së Parë për Korrupsionin dhe Krimin e Organizuar Tiranë, e ka dënuar 52-vjeçarin me 3 muaj e 24 ditë burg dhe 23-vjeçarin me 4 muaj e 25 ditë burg, për veprën penale ?Moskallëzimi i krimit?, kryer në bashkëpunim.

Ndalimi i tyre u bë, në lidhje me ngjarjen e ndodhur më datë 13.02.2019, ku në Pikën e Kalimit Kufitar Kapshticë, në dalje të Republikës së Shqipërisë, në dy mjete tip kamion u gjetën dhe sekuestruan në cilësinë e provës materiale 1074,2 kg lëndë e dyshuar narkotike kanabis.

———

Specialistët për Hetimin e Krimeve në Komisariatin e Policisë Pogradec, bënë arrestimin në flagrancë për veprën penale ?Vjedhja? të shtetasit E. Y., 35 vjeç, banues në fshatin Gështenjas, Pogradec, pasi ky shtetas në lagjen nr. 1, Pogradec, i ka vjedhur çantën e dorës shtetases A. C., 46 vjeçe, banuese në fshatin Rëmenj, Pogradec.?

———

Specialistët për Hetimin e Krimeve në Komisariatin e Policisë Kolonjë, bënë shpalljen në kërkim dhe filluan procedimin penal për veprën ?Braktisja e fëmijëve të mitur? për shtetasen P. K., 31 vjeçe, banuese në fshatin Taç, Ersekë, pasi ka bërë kallëzim bashkëshorti i saj, shtetasi E. K., 37 vjeç, i cili ka deklaruar se shtetasja e mësipërme është larguar nga banesa ditën e djeshme dhe ka braktisur dy fëmijët e mitur./E.K-CNA.al