E fundit!

11:47 Aktualitet

Video/ Bllokohet lëvizja në sheshin "Skënderbej", qytetarët të revoltuar, debatojnë me efektivët

Ditën e sotme në sheshin “Skënderbej” është zhvilluar fest...

Kishte mbushur makinën me emigrantë të paligjshëm/ Arrestohet 60-vjeçari në Morinë

15 Dhjetor 2021, 15:05, Kronika CNA

Një 60-vjeçar është arrestuar nga policia e Kukësit pasi akuzohet se po kalonte emigrantë të paligjshëm drejt Kosovës kundrejt përfitimit monetar.

Mësohet se shtetasi me inicialet P.T., u kap nga policia në kuadër të operacionit të koduar ?Morina? në vendin e quajtur ?Mbikalimi i Gostilit?.

Nën drejtimin e mjetit tip ?Opel?, 60-vjeçari po transportonte 4 emigrantë. Policia ka sekuestruar 200 euro të dyshuara të përfituara nga kjo veprimtari.

Ndër të tjera janë sekuestruar makina dhe një aparat celular.

Njoftimi i Policisë
Vijon operacioni policor i koduar “Morina”, për goditjen e veprimtarisë kriminale në fushën e dhënies ndihmë për kalim të paligjshëm të kufirit. Goditet 1 tjetër rast i tentativës për dhënie ndihmë për kalim të paligjshëm të kufirit. Vihet në pranga 1 shtetas.

Strukturat e DVP Kukës, në bashkëpunim me DVKM Kukës, në vijim të operacionit policor të koduar “Morina”, si dhe në zbatim të detyrave të përcaktuara në planin e masave për parandalimin dhe goditjen e aktivitetit të paligjshëm të dhënies ndihmë për kalim të paligjshëm të kufijve dhe tranzitimin e tyre në territorin shqiptar, me destinacion vendet e BE-së, goditën një tjetër rast të kësaj veprimtarie kriminale. Si rezultat u arrestua në flagrancë shtetasi: -P. T., 60 vjeç, banues në Tiranë.

Ky shtetas u arrestua në flagrancë, pasi është kapur nga shërbimet e Policisë, në vendin e quajtur “Mbikalimi i Gostilit”, duke transportuar me automjetin tip “Opel”, 4 emigrantë të paligjshëm, për t’i kaluar në mënyrë të paligjshme nëpërmjet kufirit të gjelbër, drejt Kosovës, kundrejt fitimit.

Në cilësinë e provës materiale u sekuestruan automjeti tip “Opel”, një aparat celular dhe 200 euro të dyshuara të përfituara nga kjo veprimtari kriminale. Materialet hetimore do t?i kalojnë Prokurorisë pranë Gjykatës së Shkallës së Parë Kukës, për veprime të mëtejshme.