web counter
LEXO PA REKLAMA!

SHKARKO APP

App Store
Google Play

E fundit!

x

Ristani: Mos u bëni pjesë e përçarjes së PD për karrigen e thyer të Lulzim Bashës

12 Dhjetor 2021, 14:47, Politikë CNA

Ish sekretari i Përgjithshëm i Partisë Demokratike, Arben Ristani, ka ndarë mesazhin e Komisionit të Rithemelimit, i cili iu bën thirrje demokratëve të mos bëhen pjesë e përçarjes dhe e përjashtimeve nga PD për karrigen e thyer të Lulzim Bashës.

Përmes mesazhit, bëhet me dije se mbledhja e thirrur nga Basha është nul dhe e paligjshme.

?Të nderuar anëtarë të Këshillit Kombëtar! Dje me 4446 vota Kuvendi Kombëtar i PD vendosi shkarkimin e Lulzim Bashës nga posti i kryetarit për  shkelje të rënda statutore, si dhe konstatoi paligjshmërinë e pjesës më të madhe të kryesisë si të zgjedhur në dhunim flagrant me statutin e PD.

Gjithashtu ju bëjmë me dije se Kuvendi Kombëtar ka mandatuar Komisionin e Rithemelimit për të përmbushur vakumin e krijuar deri në zgjedhjen e kryetarit dhe kryesisë së re!

Për sa më lart ju njoftojmë se mbledhja e KK e thirrur nga deputeti Lulzim Basha është nul dhe e paligjshme. Ju bëjmë thirrje të bojkotoni mbledhjen dhe mos bëheni pjese e paligjshmërisë! Ju ftojme gjithashtu të mos bëheni pjesë e përçarjes dhe përjashtimeve nga PD për karrigen e thyer të Lulzim Bashës.

Sot është momenti të bashkohemi duke dëgjuar zërin dhe vullnetin e demokratëve! Komisioni i Rithemelimit?, është njoftimi i plotë i Komisionit të Rithemelimit./ A.E-CNA.al





Lajmet e fundit nga