Testi antidrogë për efektivët/ Artan Hoxha zbulon "hilen", si shpëtojnë policët

10 Dhjetor 2021, 12:04, Kronika CNA

Drejtori i Përgjithshëm i Policisë së Shtetit Gledis Nano ka dhënë urdhër që efektivët e policisë ti nënshtrohen testit antidrogë.

Në një deklaratë sot për mediat, Nano theksoi se, e gjithë kjo bëhet për të pasur një polici sa më të pastër dhe për të krijuar besueshmërinë tek publiku.

Gazetari investigativ Artan Hoxha ka komentuar këtë urdhër dhe ka vlerësuar testin anti-drogë por ai nënvizon se duhet të kryhet dhe testi i alkoolit.

I ftuar në Abc news, Hoxha u shpreh alkooli është më i përhapur se droga në radhët e policisë.

?Testi anti-drogë deri tani aplikohen kryesisht për kandidatët që donin të rekrutoheshin, kryesisht për kadetët e akademisë së policisë ose pjesëtarët e patrullës së përgjithshme. Pastaj më pas, sepse ti mund ta kalosh testin e parë dhe kjo nuk e përjashton faktin që mund të bëhesh përdorues. Është e parashikuar në ligj, por nuk është ndjekur në praktikë deri tani.

U desh një urdhër i Gledis Nanos, që ka lëshuar disa urdhra për të bërë një reformë edhe brenda policisë për ta filtruar nga disa probleme dhe një nga këta është që gjatë 2 viteve të fundit është rritur në mënyrë të frikshme përfshirja e policisë në trafikun dhe shpërndarjen e drogës. Janë kapur në operacione pjesëtarë të forcave speciale, patrullës dhe policisë kriminale.

Policët u kthyen në shpërndarës dhe trafikues dhe një nga elementët që çoi në këtë situatë është që pjesa dërrmuese që u kapën u kthyen vetë në përdorues. Te drogërat e forta policët rezultojnë edhe vetë përdorues. Për mua duhet të bëhet edhe testi i alkoolit, që për mua është më i përhapur se droga në radhët e policisë? tha ai.

Më tej Hoxha u shpreh se kishte disa rezerva dhe dyshime mbi testin.

Ai tha se efektivët mbi 50 vjeç që dalin pozitivë mund të përdorin justifikimin se janë nën efektin e ilaçeve dhe kurave të ndryshme mjekësore.

Pyetja që sipas tije ende nuk ka përgjigje është ?A e specifikon analiza, cilët janë elementët që e përcaktojnë se cfarë narkotiku po përdor efektivi që ka bërë testin dhe ka dalë pozitiv??

Ndërsa për testin që lidhet me drogën që mund të marrin efektivët, gazetari tha se policët që marrin kokainë arrijnë që t?i shpëtojnë këtij testi.

?Përdoruesi i kokainës nuk të del duke marrë analizë në gjak, se për një javë pastrohet. Duhet marrë ?ADN? nga fija e flokut. Këta që përdorin kokainë e dinë si të pastrohen dhe kjo analizë është e pamjaftueshme? është shprehur Artan Hoxha./ A.E-CNA.al