web counter
LEXO PA REKLAMA!

SHKARKO APP

App Store
Google Play

E fundit!

x

BioNTech dhe Pfizer: Tre doza të vaksinës janë efektive kundër Omicronit

8 Dhjetor 2021, 13:55, Lifestyle CNA

Në njoftimin e parë zyrtar nga prodhuesi i vaksinës lidhur me efikasitetin e vaksinës së saj kundër Omicronit, BioNTech dhe Pfizer njoftuan se dy doza të vaksinës rezultuan që kanë më pak efekt në neutralizimin e antitrupave por me dozën e tretë të vaksinës, vërehet rritja e efikasitetit.

Në një deklaratë kryetari dhe CEO i Pfizer, Albert Bourla, u shpreh se në bazë të dhënave paraprake të cilat dolën pas testimeve intensive që kompania bëri në laborator, vaksina e tretë gjeneron efekte neutralizuese kundër variantit të ri të koronavirusit.

“Megjithëse dy doza vaksine mund të ofrojnë ende mbrojtje kundër variantit Omicron, është e qartë nga të dhënat paraprake se mbrojtja përmirësohet me një dozë të tretë me vaksinën Pfizer. Të sigurohemi që sa më shumë njerëz të jenë të vaksinuar plotësisht me dy seritë e para të dozave dhe një përforcues mbetet masa më e mirë për të parandaluar përhapjen e Covid-19″, tha CEO i Pfizer.

Sipas CNN, studimet fillestare laboratorike përdorën serum nga gjaku i individëve që morën dy ose tre doza të vaksinës Pfizer/BioNTech. Serumet u mblodhën nga subjektet tre javë pas dozës së dytë, ose një muaj pas dozës së tretë.

Pfizer dhe BioNTech po vazhdojnë të zhvillojnë një vaksinë specifike për variantin Omicron dhe thonë se do të jetë e disponueshme deri në mars, nëse është e nevojshme, përcjell CNA.al.

Rikujtojmë se nga një studim paraprak që u krye në Afrikën e Jugut tregoi se varianti i koronavirusit Omicron i shpëton pjesërisht mbrojtjes së ofruar nga vaksina Pfizer.

Të rriturit që kanë bërë vaksinat Pfizer ose Moderna kanë të drejtë të marrin një përforcues gjashtë muaj pas vaksinimit të tyre të dytë. Ata që kanë marrë vaksinën me një vaksinë Johnson & Johnson kanë të drejtë për një përforcues të çdo vaksine të autorizuar dy muaj pas dozës së tyre të parë./https://edition.cnn.com/Përshtatur nga CNA.al-S.K/





Lajmet e fundit nga