web counter
LEXO PA REKLAMA!

SHKARKO APP

App Store
Google Play

Festivali i Këngës/ Cilët janë 5 prezantuesit që do të drejtojnë 3 netët e mëdha

7 Dhjetor 2021, 17:15, Lifestyle CNA

Festivali i Këngës është një nga kompeticionet më të rëndësishme muzikore shqiptare. Prej ditësh ka nisur puna për sjelljen para publikut shqiptar të edicionit të 60-të të Festivalit të Këngës, ku disa prej emrave më të njohur të muzikës shqiptare kanë sjellë këngët e tyre konkuruese.

Tre netët e mëdha të këtij festivali do të jenë në datat 27,28 dhe 29 dhjetor dhe do të mbahen në Pallatin e Kongreseve.

Këtë vit drejtimi i Festivalit i është besuar 5 emrave më të njohur të ekraneve, si Ardit Gjebrea, Xhemi Shehu, Isli Islami, Kelvi Kadilli dhe Jonida Maliqit.

Përmes një statusi në rrjetet sociale, producenti Ardit Gjebrea shkruan se më shumë se prezantues do të jetë dëshmitar i një historie të cilën do ta përshkojë me disa nga emrat më të spikatur, gdhendur në kujtesën dhe dashurinë e publikut.

“Ky është viti i 60të për Festivalin e Këngës në Rtsh.  Unë do të jem prezantues i ftuar në natën e dytë dhe do jem në skenë me: @xhemishehu_ @jonidamaliqi @isli_islami @kelvikadilli të cilët do të prezantojnë të 3 netët e Festivalit.

Më shumë se prezantues, do të jem dëshmitar i një historie të cilën do ta përshkojmë me disa nga emrat më të spikatur, gdhendur në kujtesën dhe dashurinë e publikut.

Unë vetë, raportin me Festivalin e kam jetuar në 3 dimensione:

Kantautor: “Jon” “I thuaj Jo” “Eja”

Kompozitor: Irma Libohova dhe Frederik Ndoci, Rovena Dilo, Mariza Ikonomi, Ëest Side Family si dhe me Juliana Pasha deri në Eurovizion 2010.

Prezantues në 1996 dhe pasfestival 1997

Ishte viti i 30të kur këndova Këngën “Jon” – një këngë e cila ndau në mes dy epoka dhe ndan mes edhe historinë e 60 viteve. Dhe unë do jem në mes të Festivalit, në natën e dytë!

Rikthehem me shumë dëshirë për të përcjellë dashuri, nostalgji dhe muzikën që na ka shoqëruar gjithë jetën”, shkruan Gjebrea./ A.E-CNA.al





Lajmet e fundit nga