E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

Dikur i akuzoi për ngacmime seksuale/ Bella Hadid rikthehet në Victoria's Secret

3 Dhjetor 2021, 09:46, Lifestyle CNA

Modelja 25-vjeçare Bella Hadid ishte pjesë e tre shfaqjeve radhazi për gjigantin e të brendshmeve në vitet 2016, 2017 dhe 2018. Por ajo ndërpreu lidhjet me kompaninë në vitin 2020, për t?u bashkuar me koleget e saj modele duke akuzuar drejtuesin e atëhershëm Ed Razek për sjellje të papërshtatshme.

Sipas New York Times, 71-vjeçari Razek bëri komente të padëshiruara seksuale dhe komentoi vazhdimisht mbi trupat e modeleve, duke i thënë dikur Hadidit se ajo kishte ?gjoks perfekt?.

Megjithëse Razek i ka mohuar të gjitha akuzat, ai u largua nga kompania mëmë e Victoria’s Secret, L Brands, dhe VS që atëherë ka punësuar lidere të reja femra dhe ka përqafuar një strategji marketingu më gjithëpërfshirëse.

Kjo strategji tani do të përfshijë Hadid: Ajo i është bashkuar Kolektivit VS të mbushur me yje, ku përfshihen Hailey Baldwin, Priyanka Chopra, Megan Rapinoe, Naomi Osaka dhe më shumë.

“Ajo që më magnetizoi për t’u rikthyer ishte që ata erdhën tek unë dhe më dëshmuan vërtet se, prapa skenave, Victoria’s Secret ka ndryshuar në mënyrë drastike,” i tha Hadid Marie Claire për vendimin e saj shumë të komplikuar. “[Bashkimi në Kolektivin VS] ishte me të vërtetë për të rikthyer fuqinë time dhe për të pasur pushtetin mbi trupin tim përsëri vetë.”

Në vitin 2018 ? viti i saj i fundit i modelimit për Victoria?s Secret ? Hadid ishte pjesë e shfaqjes së parë të Rihanna-s në pistën Savage X Fenty.

“Ajo ishte hera e parë në një pistë që u ndjeva vërtet seksi,” tha ajo gjatë një paraqitjeje në Festivalin e Modës 2019 në Vogue, për WWD. ?Kur u shfaqa për herë të parë te Fenty, po bëja shfaqje të tjera të të brendshmeve dhe kurrë nuk u ndjeva e fuqishme në një pistë, si me të brendshmet e mia.?

Por ndërsa fliste me Marie Claire, Hadid tha se sa “shumë ka ndryshuar” në Victoria’s Secret që nga ajo kohë, duke përfshirë zbatimin e “protokolleve të reja të fotosesioneve” që lejojnë modelet të vendosin se sa lëkurë duan të shfaqin gjatë xhirimeve.