web counter
LEXO PA REKLAMA!

SHKARKO APP

App Store
Google Play

E fundit!

x

Uroi Festën e Flamurit me foton e Enver Hoxhës/ Balla justifikon deputetin

29 Nëntor 2021, 09:55, Politikë CNA

Kreu i grupit parlamentar të PS, Taulant Balla ka reaguar në lidhje me skandalin e një ditë më parë, ku në grupin e ?Ëhatsapp? të Komisionit të Sigurisë, deputeti i PS, Bujar Çela ka uruar 28 Nëntorin, me një foto ku krahas flamurit shqiptar, ishte stampuar edhe figura e ish-diktatorit Enver Hoxha.

Në një prononcim për mediat, pas nderimeve që bëri në varrezat e Fierit, Balla tha se ka marrë një sqarim nga deputeti Çela, e derisa të bëhen të gjitha verifikimet e nevojshme do të vendoset nëse do të merret masë disiplinore ndaj tij.

?Unë kam marrë një sqarim nga deputeti në fjalë, që bëhet fjalë për përdorim të aparatit të tij celular nga persona të tjerë. Kjo do të jetë pjesë e një verifikimi në aspektin e grupit të sjelljes dhe etikës brenda grupit parlamentar dhe çdo masë ndëshkimore do të merret në momentin që do të ketë verifikime. Do i kërkoja të gjithë kolegëve të tjerë të raportojnë raste të tilla dhe natyrshëm që grupi parlamentar i PS ka të gjithë instrumentet e nevojshme për të ndërmarrë çdo lloj hapi apo mase disiplinore?, tha Balla./CNA.al





Lajmet e fundit nga