web counter
LEXO PA REKLAMA!

SHKARKO APP

App Store
Google Play

E fundit!

x

Sherefedin Shehu zbulon lojën me fermerët/ Si Rama po iu “zhvat” edhe qindarkën e fundit

28 Nëntor 2021, 11:08, Politikë CNA

Eksperti i Ekonomisë, dhe ish-zv.ministri i Financave, Sherefedin Shehu në një prononcim ekskluziv për CNA.al, ka zbardhur historinë e lojës me fermerët dhe financimin e tyre nga buxheti i shtetit, prej vitit 2007.

Shehu, tha për CNA.al se financimi i drejtpërdrejtë nga buxheti i shtetit për fermerët është vendosur në vitin 2007, dhe deri në vitin 2013 u paguan nga buxheti i shtetit në xhepat e fermerëve 15 ? 25 milion dollarë për mbjelljen e pemëve frutore dhe shtimin e bagëtive.

Por, me ardhjen e Rilindjes në pushtet, gjërat ndryshuan.

Shehu tregon, per CNA.al, se në 2014 Rama e rriti normën e kompensimit nga 6% që ishte në 2013 në 20 përqind aq sa është norma e TVSh-së dhe hoqi përjashtimin e TVSh-së për inputet bujqësore. Por, në 2019 kompensimi i fermerëve për TVSh-në u ul nga 20% përsëri në 6%.

Ndërsa në 2021, theksoi Sherefedin Shehu, kompensimi i TVSh-së që fermerët mund të përfitonin nga grumbulluesit nga 6% bëhet zero dhe norma e TVSh-së së inputeve bujqësore nga zero bëhet 10%.

Sipas tij, Rama po iu ?zhvat? edhe qindarkën e fundit fermerëve, pasi jo vetëm që kompensimi bëhet zero, por ata do të paguajnë TVSh-në edhe për 1 lek shitje.

?Historia e lojës me Fermerët

Në 2007 për herë të parë u vendos financimi i drejtpërdrejtë nga buxheti për fermerët. Dhe gjatë periudhës 2007-2013 u paguan nga buxheti i shtetit në xhepat e fermerëve 15 ? 25 milion dollarë për mbjelljen e pemëve frutore dhe shtimin e bagëtive. Në 2013 u hoq TVSH-ja për inputet bujqësore dhe u vendos kompensimi i fermerëve për TVSH-në në masën 6% të vlerës së shitjeve. Njëkohësisht u përjashtua nga TVSh-ja importi i inputeve bujqësore.

Në 2014 Rama e rriti normën e kompensimit nga 6% që ishte në 2013 në 20 përqind aq sa është norma e TVSh-së dhe hoqi përjashtimin e TVSh-së për inputet bujqësore (fara, plehra kimike, pesticide, etj.).

Por, në 2019 kompensimi i fermerëve për TVSh-në u ul nga 20% përsëri në 6% dhe kompensimin do ta paguante grumbulluesi mbasi ky të kompensohej nga shteti ose praktikisht pas 7 muajsh.

Po në këtë vit u vendos edhe skema e rimbursimit të akcizës së naftës por brenda një tavani financimi që do të thotë se atë do ta përftojnë vetëm fermerët që aplikojnë të parët deri në shpenzimin e fondit të miratuar për këtë qëllim.

Edhe deri në 2018-ën, fermerët nuk janë rimbursuar realisht sepse fermerët duhej të ishin të regjistruar në regjistrin tregtar përmes një NIPT-i dhe të ishin person apo subjekt i tatueshëm referuar bazës ligjore në fuqi.

Ndërsa në 2021 kompensimi i TVSh-së që fermerët mund të përfitonin nga grumbulluesit nga 6% bëhet zero dhe norma e TVSh-së së inputeve bujqësore nga zero bëhet 10%.

Përsa i përket buxhetit të pagesave direkte për fermerët ai është ulur vazhdimisht dhe në vitin 2022 ai do të jetë vetëm 9 milion dollarë sepse pjesa tjetër prej 2,4 miliardë lekë e reklamuar nga Qeveria u përket financimeve të huaja që do të shkojnë për industrinë Agroushqimore dhe që disbursimi i mundshëm i tyre është 8 milion dollarë.

Pëfundimi: Hotelet me 5 yje, teknologjia e informacionit, shëndetësia, arsimi dhe turizmi janë të përjashtuar nga TVSh-ja ndërsa fermerët dhe tregtarët e produkteve bujqësore tatohen me TVSh në masën 20% të vlerës së shitjeve. Bizneset me xhiro deri në 14 milion lekë janë të parjashtuar nga pagesa e TVSh-së dhe e tatimit mbi fitimin ndërsa fermerët do të paguajnë TVSh-në edhe për 1 lek shitje. 

Vendet e rajonit japin subvencione direkte për njësi të produkteve bujqësore të shitura.?-deklaroi Sherefedin Shehu, për CNA.al.





Lajmet e fundit nga