web counter
LEXO PA REKLAMA!

SHKARKO APP

App Store
Google Play

E fundit!

x

Politika shqiptare e ndarë dhe për festa/ Basha homazhe tek Varrezat e Dëshmorëve

28 Nëntor 2021, 10:52, Aktualitet CNA

Sot në 109 vjetorin e Pavarësisë së Shqipërisë, u mbajt ceremonia e ngritjes së Flamurit në Vlorë.

Të pranishëm në ceremoni ishin kryeministri Edi Rama, presidenti Ilir Meta dhe kryetarja e Kuvendit Lindita Nikolla.

Ata kanë zhvilluar homazhe dhe kanë vendosur kurora me lule në momunentin e Pavarëisë.

Ndërsa nga ana tjetër, kryetari i opozitës, Lulzim Basha, ka zhvilluar homazhe tek Varrezat e Dëshmorëve, i shoqëruar nga sekretari i Përgjithshëm i PD, Gazment Bardhi dhe deputetë të tjerë.

“Sot kremtojmë ditën më të bukur të Kombit tonë që mbush me krenari zemrat e shqiptarëve, kudo ku ndodhen dhe na bashkon në kujtesën e betejave të mëdha për liri dhe pavarësi, e në nderimin e bijve dhe bijave të kombit tonë, që sakrifikuan gjithçka në emër të Kombit dhe nën flamurin kuqezi.

Ne përulemi me mirënjohje të thellë për Heronjtë dhe Dëshmorët e Kombit tonë, luftëtarët e Pavarësisë dhe të rënët për çlirimin nga pushtuesit, tek bijtë dhe bijat e Kosovës e mbarë kombit që luftuan për lirinë e Kosovës dhe dinjitetin e shqiptarëve kudo në trojet e tyre stërgjyshërore.

Sakrifica e tyre sublime, na frymëzon për plotësimin e aspiratës europiane të shqiptarëve për bashkim, liri dhe demokraci. Gëzuar 28 Nëntorin!

Zoti e bekoftë Flamurin tonë kombëtar, Shqipërinë dhe kombin shqiptar!“, shkruan Basha në postimin e tij.

/ CNA.al

 





Lajmet e fundit nga