web counter
LEXO PA REKLAMA!

SHKARKO APP

App Store
Google Play

Aksidenti tragjik me 45 viktima/ Flet kryeprokurori i Maqedonisë

25 Nëntor 2021, 08:58, Kosova & Bota CNA

Kryeprokurori i Maqedonisë së Veriut, Ljubomir Joveski në një intervistë për median bullgare ? ?btvnovinite?, ka treguar se çfarë ka parë në vendin e aksidentit tragjik të 23 nëntorit në Bullgari ku humbën jetën 45 persona dhe u lënduan 7 të tjerë.

Tha se aty ka parë tuba plastike, megjithatë nuk kanë qenë të djegura.

?Nga ajo që edhe unë munda të shoh në vendin e fatkeqësisë, ka më shumë rrethana që ka sjellë deri te fatkeqësia. Mendoj se kjo me tubat në këtë moment, është spekulim dhe nuk mund të konfirmohet, së paku në këtë moment, se ato janë shkak i fatkeqësisë. Me shumë gjasë shumë çështje do të bëhen më të qarta pasi prokurorët publikë në Bullgari do të sigurojnë ekspertizat e gjurmëve të fatkeqësisë së trafikut, ekspertizat tjera, analizat forenzike dhe gjithçka çfarë është e nevojshme në fatkeqësi të tilla të rënda. Që të jem i qartë, kur shkova në vendin e ngjarjes, unë i kam vërejtur tubat prej plastikes, por tubat nuk ishin të djegura?, tha Joveski, raporton TV21.

Kur u pyet se si ka mundur që tubat të mos digjen kurse gjithçka tjetër është shkrumbuar, Joveski shtoi: ?Pjesa e pasme e autobusit nuk ka qenë e djegur. Të gjithë këtë do ta vërtetojë sërish hetimi?./CNA.al





Lajmet e fundit nga