web counter
LEXO PA REKLAMA!

SHKARKO APP

App Store
Google Play

E fundit!

x

Prej 26 vitesh në Shqipëri/ Granoff: Kam ndërruar 8 kryeministra, si ia kam dalë të ruaj ‘pavarësinë’

24 Nëntor 2021, 19:59, Aktualitet CNA

Kreu i Fondacionit Shqiptaro-Amerikan për Zhvillimin,  Michael Granoff është i ftuar mbrëmjen e sotme në emisionin ?Now?, me Erla Mëhillin në Euro news Albania.

Granoff i cili ka që prej vitit 95 në Shqipëri, ka ndërruar 8 kryeministra, disa qeveri me të cilat i është dashur të bashkëpunojë.

Pikërisht për këtë është pyetur në studion e ?Now? Granoff, cila ka qenë marrëdhënia e tij qoftë me qeverine e Sali Berishës qoftë me atë të Edi Ramës.

?Puna ime nuk është të zgjedh se cili është kryeministri. Puna ime është të përpiqem të punoj me këdo që qeveris vendin. Dhe, kur ata sillen në mënyrë dobi-prurëse, në lidhje me projektet tona, atëherë duam të bashkëpunojmë shumë ngushtë. Kur qeveria bën gjëra që bëhen pengesë për këtë, apo janë kundër kësaj, është pjesë e punës sime në fakt, t?iu them përse. Kështu që, del se kemi mundur të kemi një marrëdhënie goxha dobiprurëse me çdo qeveri në Shqipëri, që kur nisa nga puna. Dhe çdo opozitë. Pra, mundëm të gjenim gjuhën me secilën prej këtyre partive, secilën prej këtyre udhëheqësve, kur ishin në pushtet, dhe gjithashtu kur nuk ishin në pushtet. Mund t?iu them diçka. Herën e parë që erdha në Shqipëri, një nga vizitat e para që bëra në fakt ishte tek opozita e asaj kohe. Ishte diçka që njerëzit nuk e bënin normalisht. Pasi, në përgjithësi takoheshe me njerëzit në qeveri, ata që kishin përgjegjësi. Por, menduam që donim të ishim vërtet…

Opozita e asaj kohe ishte Partia Socialiste. Shkova në selinë qendrore të Partisë Socialiste, për të takuar specialistët e tyre të ekonomisë, pasi nëse do vërtet të… Në fund të ditës, është e lehtë të thuash që qëndron mbi politikën. Është e lehtë të thuash që punon me qeverinë në mënyrë dobiprurëse. Jo edhe aq e lehtë ta bësh. Nëse do ta vërtetosh këtë atëherë duhet të veprosh në përputhje me këtë. Duhet të sigurohesh që po takon njerëz, që i respekton, që po u tregon se çfarë bën. Mendoj se një nga arsyet përse qeveritë kanë qenë të sjellshme, që opozitat gjithashtu e kanë mbështetur atë që kemi bërë, është pasi u kemi folur për këtë, jemi këshilluar me ta për këtë, i kemi informuar për këtë qysh në fillim, në mënyrë që ta ndjenin se edhe ata luanin rol në suksesin tonë. Njerëzit janë tepër të befasuar që programet tona nuk janë bërë kurrë lodra të politikës, në një vend kaq të politizuar. Kjo është arsyeja?, tha ai.

Por si ja del të shkojë mirë me te gjithë dhe të ruajë pavarësinë nga qeveria? Apo thjesht atyre u duhen paratë tuaja?

?E përsëris, mendoj se të gjithë kanë pasur rast të më njohin, të njohin fondin, të njohin fondacionin gjatë një periudhe të gjatë kohore. Është diçka që lidhet me vijueshmërinë. Keni të drejtë, më është dashur të kem të bëj me 7 apo 8 kryeministra, nuk e di sesa ambasadorë të SHBA, dhe njerëzit e dinë që jemi ende këtu. Në thelb, një nga arsyet përse fondacioni është kaq interesant, është të qenit i përjetshëm. Fondacioni ynë do të jetë këtu shumë kohë pasi unë të jem larguar, ndoshta shumë kohë pasi ju të keni dalë në pension, dhe shpresoj se do vijojë të bëjë gjëra të mira për njerëzit në Shqipëri, gjatë dekadave në vijim. Ndaj, mendoj se njerëzit tani… Ka pasur mjaftueshëm vijueshmëri. Njerëzit kanë mjaftueshëm përvojë me ne, sa që dinë se si sillemi ne. E dinë çfarë do të bëjmë. Pra, mendoj se është vërtet diçka që lidhet me këtë qëndrueshmëri, këtë vijueshmëri. Kjo gjë e ndihmon vërtet procesin. Askush nuk befasohet kur ka të bëjë me mua, askush nuk befasohet nga bashkëpunimi me fondin. Njerëzit e dinë se çfarë do të përftojnë.?/CNA.al

 





Lajmet e fundit nga