web counter
LEXO PA REKLAMA!

SHKARKO APP

App Store
Google Play

Incidente dhe akte jo etike në Kuvend/ ISP apelon partitë politike

24 Nëntor 2021, 14:21, Politikë CNA

?Është koha që grupet parlamentare të moderojnë sjelljen dhe të reagojnë: distancim nga aktet jo etike dhe rikthim të normalitetit parlamentar dhe në axhendën me interes publik?

Kështu e nis reagimin Instituti i Studimeve Politike, në lidhje dhunën  dhe aktet jo etike në Kuvend.

?Instituti i Studimeve Politike (ISP) shpreh keqardhjen që legjislatura e re parlamentare po shoqërohet me incidente të panevojshme në zhvillimin e mbledhjeve në komisione, me bojkotime të pjesshme dhe gjuhë denigruese komunikimi, me shkelje të etikës në komunikim dhe në sjelljen publike, me interpretim politik të akteve rregullatore të Kuvendit dhe mbivendosje të interesave afatshkurtra politike mbi interesin publik dhe institucional.

Kuvendi i RSH është institucioni kryesor përfaqësues dhe vendimmarrës në sistemin tonë politik.

 Deputetët janë zgjedhur nga listat shumë-emërore të partive, por ata janë ushtrues të sovranitetit qytetar dhe sipas nenit 90 të Kushtetutës ata ?përfaqësojnë popullin dhe nuk lidhen me asnjë mandat detyrues?.

 Nga kjo pozitë kushtetuese qytetarët presin që deputetët të dëshmojnë akte përgjegjësie dhe përgjegjshmërie në ushtrimin e funksionit të tyre?, thuhet në reagimin e ISP-së.

ISP apelon partitë politike parlamentare të hartojnë dhe publikojnë Rregulloret e Brendshme të funksionimit të grupeve parlamentare, dhe mbi bazën e tyre dhe të Kodit të Sjelljes, të distancohen nga praktikat negative dhe rastet e devijimit nga kodet etike.

Gjithashtu ISP apelon veçanërisht kryetarët e komisioneve të përhershme dhe të përkohshme në parlament, të demonstrojnë moderacion, neutralitet organizativ, sens përgjegjësie në planifikim dhe drejtim, transparencë dhe profesionalizëm në nxitjen e kulturës së debatit parlamentar dhe në aplikimin e standardeve më të larta të komunikimit dhe të vendimmarrjes./CNA.al





Lajmet e fundit nga