LEXO PA REKLAMA!

SHKARKO APP

Shkarkohet gjyqtarja e Gjykatës Administrative të Apelit/ Rrëzohet vendimi i KPK

23 Nëntor 2021, 12:48, Vetingu CNA
Shkarkohet gjyqtarja e Gjykatës Administrative të Apelit/

Kolegji i Posaçëm i Apelimit zhvilloi sot, seancën gjyqësore publike të çështjes (JR) 43/2020, datë 30.09.2020 që i përket ankimit të Komisionerit Publik kundër vendimit të Komisionit të Pavarur të Kualifikimit nr. 273, datë 10.07.2020, që lidhet me subjektin e rivlerësimit Alkelina Gazidedja.

Gjatë konkluzioneve përfundimtare, Komisioneri Publik i qëndroi përgjithësisht shkaqeve të ankimit, si përsa i përket vlerësimit të kriterit të pasurisë, ashtu edhe për kriterin e aftësive profesionale, duke kërkuar ndryshimin e vendimit të Komisionit të Pavarur të Kualifikimit nr. 273, datë 10.07.2020 dhe shkarkimin nga detyra të subjektit të rivlerësimit.

Subjekti i rivlerësimit, nëpërmjet përfaqësueses ligjore, parashtroi në mënyrë të detajuar prapësimet mbi shkaqet e ankimit të Komisionerit Publik, duke kërkuar lënien në fuqi të vendimit të Komisionit të Pavarur të Kualifikimit nr. 273, datë 10.07.2020.

Trupa e Kolegjit e kryesuar nga Ina Rama me relator Ardian Hajdari e anëtarë  Albana Shtylla, Natasha Mulaj, Rezarta Schuetz gjeti, se ankimi i Komisionerit Publik qëndronte sa i përket kriterit të pasurisë.

Kështu, pasi ka dëgjuar konkluzionet përfundimtare të palëve, KPA, vendosi të ndryshonte vendimin e shkallës së parë , duke shkarkuar gjyqtaren Alkelina Gazidedja.

Aspekti professional por edhe pasuria ishin dy kriteret në të cilat KPA, ka gjetur problem dhe ka vendosur më pas shkarkimin e saj.

Në  tre raste mosdeklarimi i  gjendje kesh nga Gazidede në vitet e kryerjes së shpenzimeve e ka penalizuar gjyqtaren.

?KPA vendosi ndryshimin e vendimit të Komisionit të Pavarur të Kualifikimit, nr. 273, datë 10.7.2020, dhe shkarkimin nga detyra të subjektit të rivlerësimit Alkelina Gazidedja.  Ky vendim është përfundimtar dhe ka efekt të menjëhershëm?, njofton Komisioneri publik.

Ishte Operacioni Ndërkombëtar i Monitorimit që rekomandoi tek Komisioneri Publik, për ankimimin, gjyqtaren Alkelina Gazidedja.

Kjo e fundit e ka nisur karrierën në vitin 1996 dhe  u konfirmua në detyrë nga KPK me 10 korrik 2020.

Por sipas ONM dhe IKP, janë dy vendime në të cilat ajo ka shkelur etikën profesionale dhe parimin e paanësisë së gjykatës.

Por përveç rekomandimit për shkarkim, Vëzhguesit Ndërkombëtarë dhanë disa komente paraprake në të cilat argumentuan se klauzola ligjore që autorizon KPK-në të referojë për inspektim një subjekt lidhet vetëm për çështje në të cilat subjekti mund të përballet me procedim disiplinor ndërsa për çështjet, të cilat mund të shkaktojnë shkarkim të subjektit nga detyra, KPK nuk duhet të përdorë referimin por duhet të gjykojë vetë sepse përndryshe ?heq dorë nga detyra e saj kushtetuese?.

Sipas vëzhguesve, nëse ligji interpretohet ndryshe, kjo sjell ?vendimin e papërshtatshëm të konfirmimit në detyrë për shkak se KPK është në pamundësi ose i mungon dëshira të marrë në konsideratë (siç duhet) çështje thelbësore që mund të kenë rëndësi themelore për rezultatin e rastit specifik?./CNA.al

Lajmet e fundit nga