web counter
LEXO PA REKLAMA!

SHKARKO APP

App Store
Google Play

E fundit!

x

Prokurorja që mban kostot e bashkëshortit të dënuar për korrupsion/ Pas 3 vitesh hetime, përballet me Vettingun

21 Tetor 2021, 08:45, Vetingu CNA

Prokurorja e Kurbinit  Ajola Prençi, do të dalë nesër para Komisionit të Pavarur të Kualifikimit, në kuadër të Vettingut.

Trupa gjyqësore që do të shyqrtojë Prençin është e përbërë nga Suela Zhegu, Firdes Shuli dhe Brunilda Bekteshi.

Prokurorja Prençi po hetohet nga Vettingu që nga viti 2019.

Pas tre vitesh hetimesh, duket se KPK, ka tashmë dhe rezultatet të cilat do t?i paraqesë në seanën dëgjimore nesër.

Ajola Prençi e ka ushtruar detyrën e prokurores ndërmjet Shkodrës, Matit dhe Kurbinit.

Emri i saj është lakuar për arsye të hetimit dhe dënimit të bashkëshortit të saj prokuror, disa vite më parë.

Kujtojmë se në vitin 2015, Gjykata e Shkodrës ka pranuar kërkesën e Prokurorisë dhe ka dënuar me 2 vite burg ish-drejtuesin e Prokurorisë të rrethit Gjyqësor Pukë, Pëllumb Preçi, që është bashkëshorti i prokurores Ajola Ymeri.

Preçi u dënua për ?Korrupsioni pasiv të gjyqtarit, prokurorit dhe i funksionarëve të tjerë të drejtësisë? për të ashtuquajturin ?Skandali i Pukës? duke përfituar edhe nga gjykimi i shkurtuar.

Çështja e bashkëshortit i ka kushtuar prokurores Ymeri në punën e saj.

Gjatë hetimit për dy mjekët B.L dhe V.M, të cilët mjekuan ilegalisht atentatorin e Laçit, Eduart Lamajn, avokatët e tyre, kanë kërkuar përjashtimin e prokurores, pikërisht për shkak të bashkëshortit të saj të dënuar për korrupsion.

Në një kohë që prokurorja Ymeri, mban pasojat e dënimit të bashkëshortit, ky i fundit sipas të dhënave të pasurisë së ILDKPKI-së, ka nisur punën si avokat.

Referuar deklaratave të  pasurisë, prokurorja Ymeri thotë se posedon një shtëpi banimi 75 m2,  me vlerë 2 450 000 lekë dhe në vitin 2013 ka blerë blerë banesë 92.4 m2 me vlerë 8 491 560 lekë./CNA.al





Lajmet e fundit nga