web counter
LEXO PA REKLAMA!

SHKARKO APP

App Store
Google Play

“Nuk është kollaj të shkundësh Policinë”/ Artan Hoxha skanon Gledis Nanon

23 Nëntor 2021, 11:36, Kronika CNA

Gazetari Artan Hoxha ka komentuar punën e  të deritanishme Drejtorit të Përgjithshëm të Policisë, Gledis Nano.

I ftuar në studion e ?Abc live?, me Juli Xhokaxhi, Hoxha ka thënë se ndryshe nga paraardhësit e tij, Nano nuk kishte probleme imazhin.

 ?Gledis Nano ndryshe nga paraardhësit e tij kishte një avantazh që e ndihmonte. Nuk kishte pasur më parë detyra që të krijonin problematika me imazhin. Nano vinte nga anti terrori që s?ka të bëjë shumë me krimin e organizuar. Së dyti, ai erdhi shpejt dhe për mua ishte dhe është një probleme se është shumë i ri. Por kjo kishte edhe avantazhin tjetër se ai nuk kishte akuza dhe pati mbështetje nga të gjitha palët. Edhe opozita heshti, ndryshe nga çfarë bën gjithmonë?, është shprehur Hoxha.

Sipas Hoxhës, pavarësisht lëvizjeve që Nano ka bërë, nuk është kollaj ta shkundësh Policinë.

?Çfarë ka bërë deri tani? Nuk prisja ndonjë gjë të madhe. Nuk është kollaj ta shkundësh policinë. Por deri tani shikoj disa lëvizje pozitive. Një nga vendimet e para që mori vendosi që të rivlerësohen dhe paguhen orët shtesë. Katër vjet policët nuk merrnin orët shtesë. Mori një vendim, për një kontroll të gjitha Call Center-at. Janë qendra të mashtrimit dhe grabitjes së qytetarëve evropianë. Një vendim tjetër pozitiv që mori, bëri emërime që ishin edhe më parë, por çfarë ka ndryshuar? Drejtorët e mëparshëm çonin një drejtore qarku, dhe kur ndodhte një ngjarje thoshte shefi i komisariatit ma ke vënë ti nuk është i imi. Gledis Nano ka çuar drejtorin e qarkut dhe i ka thënë ekipin zgjidhe vetë. Jo çojmë një drejtor dhe i vëmë një nga mbrapa.

Lëvizja tjetër është se po përpiqet që të zhbllokjë pjesën e dhënies së gradave. Policia prej kohësh e ka të bllokuar. Nuk mund të shkosh drejtues policie nga një gradë e ulët. Këtë e bëri një drejtor i përgjithshëm që shkoi në shkelje të gradave, drejtori paraardhës,?  është shprehur Hoxha./CNA.al





Lajmet e fundit nga