web counter
LEXO PA REKLAMA!

SHKARKO APP

App Store
Google Play

“Nuk donte të bëhej kryeministër”/ Hoxha "zbërthen" veprimet e Bashës

22 Nëntor 2021, 17:52, Politikë CNA

Kreu ende në detyrë i PD Lulzim Basha, prej disa kohësh ka nisur përjashtimet dhe kërcënimet ndaj kujdo që i del kundër, apo mbështet Foltoren e ish kryeministrit Sali Berisha.

Në një intervistë për CNA.al, ish nënkryetari i FRPD Lisandër Hoxha deklaroi se vendimet e Bashës dhe Bardhir me përjashtime janë nul për demokratët dhe për këtë ai e krahason me kërcënimet e Egon Krenzit në Gjermaninë Lindore pak javë para bashkimit të Gjermanisë.

Hoxha shtoi më tej se në 8 vite Basha ka dështuar dhe ai është dëshmi e qartë e dështimit të investimit të demokratëve.

?Edhe përjashtimet pa statut i të gjithë zërave kundër tij nuk është një gjë e re për Bashën. Është një faj me  të cilin demokratët kanë bashkëjetuar për 8 vite.

Basha largon këdo që e sfidon apo e kundërshton atë. Ky është modeli i një njeriu që nuk deshi kurrë të bëhej Kryeministër i vendit. Ai është investimi më i dështuar i demokratëve të cilët derdhën lumenj djersë dhe kontributi për të. I dhamë gjithçka Lulzim Bashës dhe morëm vetëm zhgënjime prej tij.

Përjashtimet apo kërcënimet e shoqatës Basha-Bardhi janë nul për demokratët. Ato janë si kërcënimet e Egon Krenzit në Gjermaninë Lindore pak javë para bashkimit të Gjermanisë. Sa më shumë kërcënonte Krenzi, aq më shumë nuk i bindej populli?, tha Hoxha./CNA.al





Lajmet e fundit nga