web counter
LEXO PA REKLAMA!

SHKARKO APP

App Store
Google Play

Spaho paralajmëron Salianjin/ "Mitroloz pa fishekë, disponoj fotot nga takimet"

21 Nëntor 2021, 15:06, Politikë CNA

Deputeti i PD, Edmond Spaho ka reaguar pas deklaratës së Ervin Salinajit, i cili një ditë më parë gënjeu se ka mbledhur kryesinë e degës së PD-së në Korçë, duke deklaruar se 100 % e delegatëve do të jenë pjesë e Kuvendit të 18 Dhjetorit.

Sot përmes një statusi në rrjetet sociale, Spaho i ka bërë thirrje publike Salianjit të publikojë emrat e pjesëmarrësve në mbledhjet e Kryesive në Korçë e Maliq.

Në përfundim, Spaho ka paralajmëruar se në 11 dhjetor do të shohin zjarrin e vërtetë të strukturave të PD të Qarkut Korçë.

?Kryesia e Degës së PD Korçë reagoi ndaj statusit tim të djeshëm me një deklaratë të shkruar nga mitrolozi, ku përpiqen të “hedhin” poshtë të vërtetën që ju kam thënë që ata janë më keq se pakicë.

Unë disponoj fotot nga të dy takimet që mitrolozi pa fishekë u përpoq të zhvillonte.

I bëj thirrje mitrolozit të bëjë publike emrat e pjesmarrësve në mbledhjet e Kryesive në Korçë e Maliq meqënëse paskan mbajtur edhe protokoll.

Ne se nuk i kanë emrat jua jap unë.

Edhe një herë mirupafshim në 11 Dhjetor në Kuvendin e të ardhmes së PDSH, ku do shihni zjarrin e vërtetë të strukturave të PD të Qarkut Korçë?, shkruan Spaho./ CNA.al





Lajmet e fundit nga