“Babalja” kërcënon Edmond Spahon: Do të përjashtoj

21 Nëntor 2021, 14:59, Politikë CNA

Ervin Salianji, deputeti i PD, që ndryshe njihet si Babalja, doli një ditë më parë duke gënjyer se ka mbledhur kryesinë e degës së PD-së në Korçë.

Pas takimit Salianji i njohur si Babalja i Lozhanit ka deklaruar për mediat se ?100% e anëtarëve të Kryesisë së Korçës janë në mbështetje të Kuvendit të 18 Dhjetorit?.

Por ky është veçse një mashtrim i Saljanjit, të cilin e kanë përgënjeshtruar dhe vetë drejtuesit e PD.

Nuk vonoi shumë dhe gënjeshtra e Salianjit doli zbuluar nga deputeti i PD-së Edmond Spaho, i cili zbardhi me fakte mashtrimin e ?Babales? së Lulzim Bashës.

?Për kryetarët e grupseksioneve që kanë qenë në mbledhje, nëse mitrolozi dëshiron, mund ti jap listën emër për emër.

Dega Korçë ka 22 grupseksione në qytet, 10 në fshat dhe 1 në Pustec, gjithsej 33 grupseksione.

Mesatarisht çdo grupseksion ka 8-10 delegatë. Nga 33 kryetarë grupseksionesh vetëm 12 prej tyre ishin në mbledhje, 21 të tjerë nuk kanë marrë pjesë.

Nga 12 kryetarë që ishin në mbledhje, nja katër do i lënë leckat mitrolozit dhe do vijnë në Kuvend në 11 Dhjetor sëbashku me delegatët e grupseksioneve të tyre.

Kush është i zoti në aritmetikën elementare, i bën llogaritë se sa delegate nga Korça do vijnë në 11 Dhjetor, në Kuvend. Ama jo 7 x 7 bëjnë 47?, shkruan Spaho në një reagim të gjatë ne rrjete sociale.

Pas këtij reagimi, Babalja ka dalë me një deklaratë kërcënuese, për përjashtimin e Edmond Spahos.

Duke gënjyer se kjo deklaratë ka firmën e degës së PD-së në Korçë, kur nuk ka as struktura, pasi drejtuesit kanë dhënë dorëheqjen para disa kohësh, ?Babalja? i Bashës, thotë se demokratët nuk përfaqësohen me mashtrime, ndërkohë që mashtrimet janë prodhim i tij.

?Me qëndrimet keqinformuese, që deformojnë të vërtetën dhe realitetin e PD në Korçë, zoti Spaho bën mirë të rishikojë pozicionin e tij si Drejtues Politik dhe deputet i Qarkut Korçë. Demokratët nuk përfaqësohen me mashtrime për interesa perosnalë , por me punë, integritet dhe përkushtim në betejën e vetme kundër regjimit të Edi Ramës dhe rikthimit të PD në pushtet?, thuhet në reagimin kërcënues të ?Babales? së Lulzim Bashës, i cili sërish nuk e ndal mashtrimin, sikur këtë deklaratë e ka bërë PD e Korçës.

PD e Korçës, nuk ka struktura. Pasi për shkak të humbjes në zgjedhje të mos dhënies së përgjegjësive, ka pasur një sërë dorëheqjesh në vijimësi.

Në fund të muajit Korrik, dhanë dorëheqje nga PD, anëtari i Këshillit Kombëtar të PD-së, Andrea Mano dhe sekretari i PD-së në qarkun Korçë, Devis Osmani, bashkë me 13 anëtarë të kryesisë së degës.

Ndërsa me 9 gusht, 51 kryetarë, sekretarë grupseksionesh dhe Lidhjes Demokratike të Gruas lanë gjithashtu postet e tyre.

Në shkresën e bërë publike për mediat, asokohe demokratët që kanë dhanë dorëheqjen akuzonin kryedemokratin Lulzim Basha se me arrogancë po përpiqet ta kthejë PD-në në një parti klienteliste.

Salianji si mashtrues i dënuar nga gjykata gënjen edhe sot. Grupi i mashtruesave të Bashës nuk njeh limite.

Shkon mbledh disa të njohur dhe s?ka as kurajon t?i tregojë me fytyrë ballore se kush janë.

Ledina Aliolli dhe Flamur Sala konfirmuan për mediat se ata pjesëmarres, nuk janë Kryesia e PD Korçë, por disa militantë të mbledhur me kërkesën e Salianjit.

Salianji në 2021 doli me këpucë të kuqe. Me vajtjen e tij në PD lokale ka njohur vetëm përçarje e regres. Që pas dorëheqjeve në korrik e gusht s?ka patur zgjedhje. As riorganizim, por është komanduar një kryetare e përkohëshme, vetëm kaq, asgjë më shumë.

Ata aty nuk janë Kryesia e Korçës dhe Salianjit i vjen turp, tha një burim zyrtar nga PD e Korçës se ka frikë të nxjerrë fytyrën./CNA.al