web counter
LEXO PA REKLAMA!

SHKARKO APP

App Store
Google Play

E fundit!

x

Të rikthehet dënimi me vdekje/ Të rinjtë e Gjirokastrës kërkojnë drejtësi për Mateon

20 Nëntor 2021, 15:27, Aktualitet CNA

Dhjetra të rinj kanë protestuar mesditën e sotme në Gjirokastër, për vrajsen e të miturit Mateo Vasiu nga Klodian Çalamani.

Me pankarta në duar, ata kërkojnë rikthimin e dënimit me vdekje, ndërsa bëjnë thirrje për mbledhjen e firmave, duke kërkuar drejtësi.

“Për Mateon, denonconi vrasësit, denonconi çdo padrejtësi”-shkruhet në pankartat e të rinjve. Kujtojmë se qindra qytetarë po firmosin një peticion që kërkon dënim me vdekje për një vrasës, Klodian Çalamanin.

“Këtë iniciativë e morën për shkak të kësaj ngjarje që tronditi të gjithë Shqipërinë, dhe të gjithe emigrantët. Kemi moshatarë të Mateos, që kërkojnë të drejtën për shokun e tyre. Kjo ngjarje për faj të dikujt që s’dijmë si ta emërtojmë. Të thuash vrasës është pak. T’i japim zgjidhje këtij problemi që i ndodhi familjes së Mateos, por kjo ngjarje mund të na ndodhë edhe ne.

Të bëjmë atë që është më e mira për të gjihë ne, ndoshta dënim me vdekje, ndoshta dënim me burg përjetë. Merrni përsipër peticione për të mbështetur familjen e Mateos dhe për të vendosur rregulla në shtetin tonë për të parandaluar këto ngjarje. Në 24 orët e fundit kemi patur 4 raste të përdhunimit të fëmijëve. Ju bëj thirrje të na bashkoheni për peticionin dhe për të marrë firmat që të arrijmë aty ku familja e Mateos do të donte.”-shprehet një protestuese per kamerat.

Kujtojmë se 8-vjeçari Mateo Vasiu u vra dhe u gropos nga Klodian Çalamani më 16 nëntor, në një fshat të Fierit. Autori, ka qenë i dënuar më herët për pengmarrje.

 





Lajmet e fundit nga