web counter
LEXO PA REKLAMA!

SHKARKO APP

App Store
Google Play

E fundit!

x

Ngjarja e rëndë në Fier/ Juristët kundër dënimit me vdekje

19 Nëntor 2021, 15:06, Aktualitet CNA

Ngjarja e rëndë në qytetin e Fierit, ku 8 vjeçari Mateo Vsiu humbi jetën nga fqiinji i tij, 38 vjeçari Klodian Çalamani ka irritur qytetarët, të cilët kërkojnë rikthimin e dënimit me vdekje.

Juristët e kundërshtojnë fortë një propozim të tillë, jo vetëm për shkak të marrëveshjeve që ka Shqipëria me vendet perëndimore. Juristi, profesor i të drejtave të njeriut, Jordan Daci, argumenton se drejtësia është përtej një individi.

?Drejtësia nuk zgjidhet për të zgjidhur emocionin e një personi por zgjidhjet nëpër të vendosur ekuilibrat në një shoqëri, në funksion të interesat publik. Pafajësia në Shqipëri është 2.4 për qind. Imagjinoi nëse do kishim të akuzuar me vdekje, vetëm 2 për qind do të kishin shanse ti shpëtonin?, shprehet ai në një intervistë me ABC News.

Zgjidhja nuk do të vinte edhe përmes një ndërhyrjeje tjetër në legjislacionin shqiptar, siç është tashmë një propozim.

?Dënimet që përcakton Kodi Jonë penal,në pjesën më të dhe , janë dënime ekstreme, dhe ndër më të rëndat që eksizojnë. Ne sistemin e drejtësisë e kemi kthyer në një sistem dhune, në një sistem që e masakrojnë individin?, thotë ai.

Juristi Shaqir Hasanaj, sakaq e komentoi si hedhje e topit në fushën e drejtësisë,  deklaratën e kryeministrit Rama, se trupat gjykues janë bashkëautorë të ngjarjeve të rënda, duke liruar individë të rrezikshëm.

?Qeveritarët tanë të lartë sa herë ndodh një ngjarje e shëmtuar për të treguar që ne jemi pranë njerëzve, marrin përsipër, bëjnë prokurorin dhe gjykatësin për të deklaruar popullaritet?, thekson ai.

Në vend të ndërhyrjeve të legjislacion, juristët thonë se zgjidhja për mospërsëritjen e ngjarjeve të rënda si ajo e Fierit, dy ditë më parë, është forcimi i institucioneve që bëjnë të mundur parandalimin.





Lajmet e fundit nga