web counter
LEXO PA REKLAMA!

SHKARKO APP

App Store
Google Play

E fundit!

x

Pasi iu çjerr maska/ Gazment Bardhi pranon se ka gënjyer

19 Nëntor 2021, 13:48, Politikë CNA

Gazment Bardhi, sekretari në largim i PD-së, me anë të një deklarate në rrjete sociale, ka sqaruar edhe njëherë qëndrimin e tij në mbledhjen e kryesisë.

Reagimi i Bardhit ka ardhur pas deklaratave të një nate më parë të Gent Strazimirit, i cili në një emision televiziv, e demaskoi.

Strazimiri tha, se Bardhi ka qenë i pasinqertë, dhe se ka propozuar që Kryesia të mos merrte vendim.

“Edhe z.Bardhi vetë nuk është i sinqertë dhe kur del e flet, tjetër qëndrim kishte në Kryesi, tjetër gjë propozoi dhe tjetër gjëje iu bind zotit Basha dhe jashtë çdo rregulli e hodhi në votim. Ka thënë shqip pastër dhe bukur, Kryesia nuk është e shtrënguar të marrë vendim, mirë do të ishte të kishim një periudhë reflektimi. Basha ndërpreu fjalimet menjëherë?, ka deklaruar Strazimiri.

Por Bardhi ka shkruar se qëllimi i tij ishte bashkimi dhe jo përçarja.

?Qëndrimi im në mbledhjen e Kryesisë ka qenë i qartë duke synuar bashkimin dhe jo përçarjen.

Për shkak të respektit që kam për kolegun Gent Strazimiri, po konfirmoj se është e vërtetë që në mbledhjen e Kryesisë kërkova që të merrnim të gjithë sëbashku një periudhë reflektimi për të gjetur rrugën që na bashkon dhe jo atë që na ndan?, shkruan Bardhi.

Më tej ai shkruan rreth propozimit të tij,i cili është refuzuar nga anëtarët e tjerë të kryesisë.

?Për këtë propozova pezullimin e vendimmarrjes në mbledhje për të marrë pak më shumë kohë. Për të bashkuar dhe jo për të përçarë u propozova disa prej kolegëve që të kërkonin shtesë të çështjeve që ata mendojnë se duheshin përfshirë në rendin e ditës së Kuvendit Kombëtar, për të përcjellë në rrugë institucionale zërin e pakicës që mendonte ndryshe nga Kryetari.

Ndërsa bëja këtë propozim, kolegën ndërhynë dhe refuzuan propozimin tim, duke ripërsëritur në mbledhje qëndrimin e shpallur paraprakisht nga z. Berisha në konferencë për shtyp se ?Kryesia nuk merr dot vendim, Kuvendi do të zhvillohet në datën 11 Dhjetor dhe rendi i ditës është caktuar?. Në këtë moment kam theksuar se kështu provohet që qëllimi nuk është mbajtja e Kuvendit Kombëtar, dialogu mes demokratëve dhe ndërtimi i platformës së përbashkët për rrëzimin e regjimit të Edi Ramës. Me këtë qëndrim kolegët konfirmuan se qëllimi është mbajtja peng e Partisë Demokratike për hallin personal të z. Berisha?, shkruan Bardhi.

Sipas tij, askush nuk ka të drejtë të marrë peng Partinë Demokratike për hallet e tij personale.

?Problemet personale duhet të mbahen në shtëpi dhe jo të jenë axhendë pengmarrje për Partinë Demokratike. Partia Demokratike është e demokratëve që do të kuvendojnë në Kuvendin Kombëtar të PD më datë 18 Dhjetor 2021. Ky është Kuvendi i bashkimit të demokratëve dhe përgjigja e duhur institucionale ndaj cilitdo që prej më shumë se dy muajve i fryn vetëm zjarrit të përçarjes?, përfundon Bardhi, reagimin./CNA.al





Lajmet e fundit nga