E fundit!

11:46 Aktualitet

Balla, pyetje publike protestuesve

Kreu i grupit parlamentar të PS, Taulant Balla iu është dr...

Bora Muzhaqi gjeti kohë/ Nuk merret me dhunën ndaj fëmijëve por programet jashtëshkollore dhe aktivitete

18 Nëntor 2021, 16:01, Politikë CNA

Ministrja e Ramës Bora Muzhaqi, me arrogancën e saj refuzoi sot të jepte një reagim për vrasjen makabër në Fier, ndonëse është pjesë e qeverisë pikërisht për Fëmijët dhe Rininë.

Por duket se tani ministrja e Ramës arriti dhe gjeti pak kohë të lirë që të merret me një ngjarje të rëndë, dhe jo për situatën, por për të larguar nga vetja përgjegjësitë.

Përmes një postimi në rrjetin social Facebook, Muzhaqi nxitoi të shkruante 5 rreshta, jo për 8 vjeçarin që nuk jeton më, por për atë që u trasmetua sot në media me zë e figurë, që sipas saj ishte keqkuptim.

Ministrja ka nxituar edhe të largojë përgjegjësinë nga vetja duke thënë se ka për detyrë të merret programet jashtëshkollore të nxënësve e studentëve, si dhe programet e aktiviteteve për fëmijët në komunitet. Pra e thënë ndryshe, për dhunën ndaj të miturve kjo ministre nuk ka detyra dhe përgjegjësi.

?Ndjesë nëse kam lënë shteg për keqkuptimin e kujtdoqoftë që ka pritur një përgjigje tjetër nga unë, përballë disa mediave të cilat m?u gjendën përballë duke shkuar për një tjetër takim pune.

Jam thellësisht e prekur si të gjithë nga tragjedia e Fierit dhe besoj se gjithçka mund të bëhet më tutje për adresimin e çështjeve të pyetjes, do të bëhet, ashtu si duhet, nga institucionet. Detyra ime funksionale është angazhimi me programet jashtëshkollore të nxënësve e studentëve, si dhe programet e aktiviteteve për fëmijët në komunitet. Prandaj dhe nuk m?u duk e udhës të jap një opinion personal mbi fusha të tjera specifike për të cilat m?u drejtua pyetja.

Ndërsa për sa i takon sarkazmës politike apo mediatike me tragjedinë, nuk kam asnjë koment. E kam neveritur gjithnjë lojën publike me dhimbjen e shkaktuar prej tragjedive. Por sot e provova shijen e saj drejtëpërdrejtë. Vdekja e dhunshme e një fëmije nuk mund të jetë kurrë arsye për të luajtur me njeri-tjetrin. Ndjesë edhe njëherë atyre që kanë keqkuptuar përgjigjen time?, tha Muzhaqi./CNA.al