E fundit!

20:13 Aktualitet

Vendimi i qeverisë/ Shqipëria hap ambasadë në këtë vend të BE-së

Shqipëria do të hapë ambasadën e saj në Irlandë. Vendimi ë...

VIDEO- Internet 5G dhe 6G pa tel për gjeneratat e ardhshme/ Fluturimi testues rezulton i suksesshëm

15 Nëntor 2021, 15:36, Tech CNA

?Zephyr?, një mjet ajror pa pilot me energji diellore (UAV) i ndërtuar nga Airbus, u përdor për të ofruar internetin pa tel të gjeneratës së ardhshme, si pjesë e një fluturimi testues mbi Arizona.

Airbus po testonte ‘High Altitude Platform Station’ (HAPS), në bordin e UAV-së të ndërtuar nga Britania, si pjesë e një fluturimi 18-ditor në stratosferë, 76,100 këmbë mbi sipërfaqe.

Sipas Daily mail, testi ishte në partneritet me operatorin celular japonez, NTT DOCOMO. Ai mbante një transmetues radio në bord që e lejonte të siguronte një lidhje të dhënash për të simuluar sistemet e ardhshme që do të dërgonin sinjale interneti midis UAV-së dhe një kompjuteri.

Testi i suksesshëm mund të hapë rrugën për një flotë avionësh Zephyr që shpërndajnë internet celular 5G dhe 6G në pjesët më të largëta të planetit, ose duke siguruar një nxitje afatshkurtër të sinjalit gjatë një ngjarjeje të madhe në një zonë me popullsi të dendur, thotë Airbus.

Të dy firmat shpresojnë të bazohen në testet dhe të përdorin Zephyr për të ofruar shërbime komunikimi dhe interneti në rajonet malore, ishujt e largët dhe zonat detare.

Të gjitha këto janë vende ku valët e radios janë të vështira për t’u arritur, kështu që të kesh një UAV 13 milje mbi sipërfaqe, duke transmetuar të dhëna dhe thirrje, plotëson një boshllëk shumë të nevojshëm.

Zephyr vjen me dy helikë të vegjël dhe fuqizohet ekskluzivisht nga Dielli, falë paneleve diellore që rreshtojnë të gjithë hapësirën e krahëve prej 82 këmbësh.

Zakonisht lëshohet me dorë nga katër deri në pesë ekuipazhe tokësore, duke ecur me shpejtësi ose duke vrapuar në një erë të lehtë, por përmban softuer në bord për navigim në distancë.

Për testin e ri, ekipi kapi të dhëna në periudha të ndryshme të ditës dhe natës, në një sërë lartësish dhe u fokusua në lidhjen në kushte të ndryshme moti. Qëllimi ishte të konfirmohej nëse sistemi Zephyr është një platformë e qëndrueshme për të ofruar akses në internet në një zonë rreth

“Demonstrimi konfirmoi qëndrueshmërinë dhe shkathtësinë e spektrit 2 GHz për shërbimet e bazuara në HAPS dhe gjithashtu përdorimin e një brezi të ngushtë (450 MHz) për të ofruar lidhje në një distancë deri në 140 km,” shpjegoi një zëdhënës i Airbus./CNA.al