web counter
LEXO PA REKLAMA!

SHKARKO APP

App Store
Google Play

E fundit!

x

“Janë mbledhur 4200 firma”/ Paloka: Të gjithë duhet t'i binden vullnetit të shumicës

12 Nëntor 2021, 09:22, Politikë CNA

Kryetari i Këshillit Kombëtar të PD, Edi Paloka ka dalë sot në një deklaratë për mediat, ku theksoi se janë mbledhur 4200 firma, për thirrjen e Kuvendit të Jashtëzakonshëm Kombëtar.

Edi Paloka ka thirrur paraditen e sotme mediat në zyrën e tij për të parë 4200 firmat e anëtarëve të Kuvendit Kombëtar të PD-së.

Gjatë fjalës së tij, Paloka u shpreh se procedurat vlejnë kur Kuvendi mblidhet normalisht, por ky nuk është rasti.

Paloka theksoi se të gjithë kanë detyrimin t?i binden vullnetit të shumicës së delegatëve.

?Janë 4200 firma, po jua përseris edhe njëhërë. Kush nga gazetarët do të verifikoje lë ti marrë nga 1-shi deri në 4200 të gjitha. Unë e kuptoj që gazetarët janë kuriozë dhe sepse nuk i njohin delegatët. Madje as unë nuk i njoh të gjithë delegatët firmëtarë. Ka një komision që merret me këtë verifikim. Mund të shihen të gjitha dyshimet, nëse do të bëhet kjo proçedurë ashtu si duhet. Dikush mund të thotë se janë falsifikuar apo janë marrë me dhunë. Këtë nuk e verifikoni dot, as unë. Kjo do dalë gjatë Kuvendit. Ky është një kuvend i jashtëzakonshëm. Në këtë rast nëse nuk i përgjigjet rregullave statutore, që nga unë i pari jemi të detyruar ti bindemi shumicës sepse kemi të bëjmë me shumicën e anëtarëve.

Verifikimi bëhet në komisionin e mandateve, ditën e Kuvendit?-tha Paloka.

Më tej, Paloka tha se ?Që nga unë i pari, jemi të detyruar ti bindemi vullnetit të shumicës. Se me këtë numër kemi shumicën. Jemi të detyruar ti bindemi.?/CNA.al





Lajmet e fundit nga