web counter
LEXO PA REKLAMA!

SHKARKO APP

App Store
Google Play

“Foltorja ka aktivizuar PD-në”/ Nesho: Basha të mos mbajë partinë

11 Nëntor 2021, 21:03, Politikë CNA

Diplomati Agim Nesho deklaroi se ?Foltorja? e Berishës po aktivizon gjithë PD-në dhe se partia duhet të jetë e hapur për diskutime.

Në një intervistë për mediat, ai shtoi se ?Foltoret? janë përkrahur nga shumë njerëz dhe se Berisha ka kapur një moment të mirë politik, për shkak të shumë gjërave të lëna pezull e të paplotësuara nga PD.

?Statuti u takon partive politike, prandaj një diskutim i tillë u takon atyre që janë anëtarë të një partie. Pranohet se  ka një krizë në PD. Foltorja e Berishës po aktivizon gjithë PD-në se ka diçka për të thënë. Partia duhet të jetë e hapur për diskutime, sepse nuk mund të ketë parti që mbahen vetëm nga vula. 

Nëse mbyllet mendimi cili është shembulli që jepet për të rinjtë. Lidershipi i PD-së duhet ta kuptojë që nuk duhet pasur frikë nga përballja. Nuk ka gjeneralë pa ushtarë sepse nuk ka kuptim kështu. Ajo që duhet të pranohet se duhet shkuar në Kongres.

Foltoret janë përkrahur nga shumë, njerëz, jo vetëm demokratët. Berisha ka kapur një moment të mirë politik sepse kanë ngelur pa zgjidhur ato gjëja që kanë ngelur të premtuara dhe të pa plotësuara nga PD. 

Ku është beteja për zgjedhjet? PD ka shumë pikëpyetje, ajo që është më e pranueshme është ballafaqimi në një kuvend që do të shpalosë këto gjëra. Aty pastaj secili duhet të dalë dhe të shpalosë alternativat e tij?, shprehu Nesho.

Më tej ai shtoi se Basha nuk duhet të mbajë më partinë sepse ndryshe ngel një lider i vogël, pa perspektivë.

?Unë e kam përkrahur Bashën edhe kur humbi zgjedhjen në 25 prill sepse nëse këto zgjedhje vërtetoheshin se janë vjedhur, Basha ishte një nga viktimat ashtu sikurse ishte opinioni publik. Beteja e tij kjo ishte, jo ajo e mbajtjes së partisë, sepse ndryshe ngel një lider i vogël, pa perspektivë. 

Ne vuajmë nga një krizë institucionale dhe kemi një regjim që ka kapur gjithë shtetin. Ndoshta ka qenë pjesë dhe ka provokuar edhe këtë skenar në PD, për të vazhduar me një mandat të tretë?, tha Nesho./CNA.al





Lajmet e fundit nga