E fundit!

16:28 Aktualitet

"Kallashnikovi çau jelekun anti-plumb"/ Hita: Po kryhen procedurat që efektivi i vrarë të përfitojë statusin e dëshmorit

Drejtori i Përgjithshëm i Policisë së Shtetit, Skënder Hit...

Hoxha "shuplakë" Bardhit/ Thjesht një rrogëtar i punësuar nga Basha

11 Nëntor 2021, 19:43, Politikë CNA

Ish-anëtari i kryesisë së Partisë Demokratike, Indrit Hoxha sulmoi Sekretarin e Përgjithshëm të PD, Gazment Bardhi, për të cilin tha se është thjesht një rrogëtar i punësuar nga Basha.

?Është thjesht një rrogëtar i punësuar nga zoti Basha dhe cilësohet nga si si Sekretar i Përgjithshëm i PD-së. Nuk e njeh statuti i PD-së si sekretar, jo se nuk e njohim ne. Dalim te çështja e protokollit. Mund të na thotë zoti Bardhi kush është shef i protokollit të PD-së?

Në momentin që ne flasim shef protokolli në PD nuk ka. Shef protokolli ka kohë që e ka hequr Lulzim Basha. Nëse do kishte një protokoll zyrtar dhe një shef protokolli nuk diskutohej që procedura do ndiqej sipas protokollit?, shprehu Hoxha.

Sa i takon firmave të mbledhura nga anëtarësia demokrate, Hoxha theksoi se formularët nuk janë anonim, por thjesht nuk mund të bëhen publike pasi në to është numri personal i çdo delegati.

?Formularët nuk mund të bëhen publikë për një arsye shumë të thjeshtë, sepse në ato formularë është numri personal i çdo delegati që ka firmosur. Nëse publikohet është privatësia që i shkelet një individi.

Unë e ftoj zotin Bardhi të shkojë në zyrën e zotit Paloka dhe të verifikojë 272 formularët e qarkut të Elbasanit. Bardhi ka akses të ketë transparencë të plotë por nuk mund të marrë vendime në PD sepse është organ më i vogël pozicioni i sekretarit të përgjithshëm në PD sesa Kuvendi Kombëtar.

Kuvendi Kombëtar është dhe mbi kryetarin dhe një nga kompetencat e tij është që mund ta shkrijë partinë fare?, tha Hoxha.

Më tej ai shtoi se Basha e Bardhi janë të përfshirë në rrjetin e Soros dhe se kanë synim asgjësimin e opozitës shqiptare.

?Këta janë një rrjet sorosian që kontrollohen nga Geroge Soros dhe fondacioni “Shoqëria e Hapur” që kanë vetëm një synim, asgjësimin e opozitës shqiptare?, shtoi ish-anëtari i kryesisë së PD./CNA.al