E fundit!

09:56 Politikë

Konferenca dy ditore në Poloni për Rindërtimin e Ukrainës/ Rama mes liderëve pjesëmarrës

Kryeministri Rama do të marrë pjesë në Konferencën për Rin...

Braziliani i Skënderbeut: Kukësi na nxori nga kriza, rezultatet pozitive nuk ndalen këtu

11 Nëntor 2021, 08:20, Sport CNA

Fitorja e parë në kampionat ndaj Kukësit çoi peshë gjithë ekipin bardhekuq. Pas një situate të vështirë me shumë rezultate negative njëri pas tjetrit duket se kjo fitore ishte një britmë çlirimi edhe në aspektin psikologjik. Ndonëse ka vetëm pak javë që është bashkuar me ekipin e ri, Agnaldo Moraesh duket se është shkrirë në një me skuadrën dhe ambientin. Në një prononcim të dhënë për ?Panorama Sport?, mesfushori brazilian tregon javët e tij të para si bardhekuq, duke u ndalur edhe te triumfi i javës së fundit.

?Të them të drejtën, kemi kaluar momente mjaft të vështira, sidomos javët e fundit, e vuanim shumë mungesën e fitores dhe kjo ndikonte edhe në qartësinë tonë në fushë. Në disa ndeshje, siç ishte ajo ndaj Kastriotit, jemi dorëzuar pa bërë asgjë. Ndërsa në takime të tjera si ndaj Laçit dhe Dinamos kemi arritur të zhvillojmë ndeshje mjaft të mira, por mungesa e fatit dhe gabimet e arbitrave na kanë penalizuar mjaft në këto takime.

Për fat të mirë, kthesa erdhi ndaj Kukësit, në një moment ku shumë pak e prisnin që ne të reagonim. Edhe pse bëhej fjalë për një kundërshtar tepër të vështirë, arritëm ta përballonim me sukses duke marrë tri pikët. Kjo tregon edhe një herë se ky ekip ka forcë dhe cilësi për të ecur përpara. Po kalonim një ngërç psikologjik, ndaj kjo fitore na shkundi dhe u riktheu besimin të gjithëve se Skënderbeu nuk është ekipi për të rënë nga kategoria.

Tani kemi mjaft ditë në dispozicion për të përgatitur ndeshjen e radhës. Jam i bindur se paraqitjet e mira dhe rezultatet pozitive nuk do të ndalojnë këtu. Jemi ende në çerekun e sezonit dhe po shohim se diferencat mes ekipeve janë minimale, prandaj jemi besimplotë se mund të rikuperojmë shumë shkallë në renditjen e përgjithshme?, theksoi fillimisht Moraesh.

Më tej braziliani u ndal për të komentuar eksperiencën e tij te Skënderbeu dhe ndjesitë në futbollin korçar. Ai e ka quajtur një hap cilësor kalimin te korçarët, ndërsa ka folur me superlativa për mënyrën se si përjetohet futbolli në Korçë.

?Kalimi nga Kastrioti te Skënderbeu për mua ka qenë një hap cilësor, një rritje e mëtejshme e nivelit dhe e mundësive për të ecur përpara. Jam përshtatur mjaft mirë me ekipin dhe qytetin, saqë e shoh veten pjesë të rëndësishme të këtij ekipi. Jam befasuar nga mënyra se si përjetohet futbolli në Korçë dhe sa të lidhur janë tifozët me këtë klub.

Është hera e parë që këtu në Shqipëri një fitore festohet me aq pasion nga të dyja palët, tifozët dhe lojtarët. Duket se ata e vuanin më shumë se çdokush tjetër këtë moment negativ që po kalonte ekipi?, përfundoi prononcimin e tij Agnaldo Moraesh.