E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Mensah: Treguam se kemi karakter, të vazhdojmë kështu

10 Nëntor 2021, 13:55, Sport CNA

Skënderbeu ka arritur të marrë fitoren e parë në kampionat këtë sezon, një rezultat, i cili u kishte munguar korçarëve prej shumë javësh. Në kushte të tilla, duke parë që gjithçka u arrit në një ndeshje të vështirë si ajo ndaj Kukësit fundjavën që shkoi, duket se e motivon më shumë ekipin bardhekuq për vijimësinë. I këtij mendimi është edhe sulmuesi ganez, Alfred Mensah, autori i golit të dytë të Skënderbeut në këtë ndeshje dhe një nga më të mirët në fushë. Për të, fitorja e arritur ndaj Kukësit ishte mjaft e rëndësishme për vetë pozicionimin e ekipit në renditje, por edhe për momentin aspak të mirë, që po kalonte Skënderbeu. Në kushte të tilla, sipas sulmuesit, tani vlen vetëm e ardhmja dhe vijimësia me rezultate pozitive. Për Mensah, fitorja në fundjavë tregoi se vlerat e Skënderbeut nuk mungojë, por është një ekip, që nëse luan i përqendruar mund të përballet si i barabartë me çdo kundërshtar.

?Është një fitore që vlen shumë për ne, sepse shkëputemi momentalisht nga vendi i fundit në tabelë. Kampionati është i gjatë dhe kemi mundësi të rikuperojmë pikët e humbura në javët e shkuara. Për më tepër, nëse vijojmë të luajmë kështu, do të jetë një sezon shumë më ndryshe. Treguam cilësi dhe forcë karakteri ndaj Kukësit. Të fitosh ndaj tyre nuk është e lehtë sepse janë ekip cilësor dhe me mjaft potencial. Them se e kemi bërë ndeshjen perfekte pasi veç penalltisë, nuk na kanë rrezikuar asnjëherë. Tani na lind domosdoshmëria që të vijojmë me të tilla rezultate dhe të marrim fitore edhe në ndeshjet e radhës për të ngjitur shkallët e renditjes. Ndeshja e fundit na ka dhënë besim dhe jam i bindur se do të na ndihmojë shumë psikologjikisht edhe në javët e tjera?, u shpreh fillimisht sulmuesi i Skënderbeut.

Më tej, Ganezi u ndal edhe te goli i shënuar, që i mungonte prej shumë ndeshjesh, por edhe te sinjalizimi për pozicion jashtë loje, për të cilin tregon se vendimi i anësorit e çuditi jo pak, por gjithçka për fat të mirë u korrigjua në kohë.

?Goli për mua ishte shumë i rëndësishëm sepse nuk shënoja prej javësh dhe kjo më bën mirë. U çudita kur arbitri më sinjalizoi në pozicion jashtë loje sepse isha brenda mesfushës sonë dhe po e ruaja mirë veten. Për fat të mirë është VAR-i, që rregullon gjithçka?, përfundoi prononcimin e tij sulmuesi 22-vjeçar, autor i dy golave në këto tetë ndeshje të para të këtij sezoni për Skënderbeun.