web counter
LEXO PA REKLAMA!

SHKARKO APP

App Store
Google Play

E fundit!

x

Tjetër debat në PD/ Basha konflikt me FRPD

5 Nëntor 2021, 15:55, Politikë CNA

Pas një debati me kreun e FRPD, Belind Këlliçi, në lidhje me Foltoren që pritet të mbahet ditën e dielë nga ish kryeministri Berisha dhe përfshirjen në organizim të kryesisë së FRPD dhe gjithë strukturës së saj drejtuese, Lulzim Basha ka shpallur në mënyrë të njëanëshme garën për kreun e FRPD dhe organizimin e kësaj organizate partnere.

Në fakt FRPD ka statutin e tij në mënyrën se si funksionon, të përcaktuar qartazi dhe ka një kryesi, Këshill Kombëtar dhe Kuvend që vendos për çeljen e garës, për grupin e punës dhe mënyrën se si do të ecet me riorganizimin e kësaj strukture.

Mesa duket Lulzim Basha, i ndodhur në panikun e pjesëmarrjes të qindra të rinjve në Foltoren e doktor Berishës, ditën e Dielë në orën 12:00, tek Amfiteatri i Akademisë së Arteve, në panik e sipër ka urdhëruar shpalljen e garës për kreun e FRPD dhe zgjedhjet në këtë organizatë partnere.

Basha i ndodhur edhe një herë në tensionet e tij të javëve të fundit ku ka filluar përjashtime, dëbime nga Partia Demokrtaike dhe beteja me shumë drejtues lokalë dhe depuetët, tashmë mesa duket radha i ka ardhur FRPD për ta futur në organizim.

Në fakt do të ishte krejt normale, zgjedhja dhe organizimi i FRPD pas zgjedhjeve apo përfundimit të mandatit të Belind Këlliçit. Por mënyra se si po veprohet dhe sjellja e Bashës, duke e shpallur ai garën, megjithëse nuk e ka kompetencë si kreytar i PD, pasi FRPD është organizatë partnere dhe siç theksuam funksionon me rregullat dhe statutin e saj, Basha ka bërë një ndërhyrje krejtësisht të njëanshme, të papërgjegjshme që tregon dhe rithekson gjendjen e tij nervoze dhe lëvizjet që po çojnë në një ndarje dhe sakatim të mëtejshëm të PD, gjithçka me qëllim që ai të mbajë karrigen e kryetarit.

FRPD mesa duket menjëherë i është përgjigjur Lulzim Bashës ku, nëpërmjet një postimi në rrjetet sociale ka theksuar se të gjithë do të ftohen të marrin pjesë në Foltoren e Berishës dhe pritet që të rinjtë demokratë nuk do ta njohin vendimin e Bashës.

Do të pritet që Forumi Rinor të mbledhë strukturat e tij drejtuese për të marrë një vendim, si do të veprohet në hapat e mëtejshëm pas një urdhëri të njëanshëm bërë publik nga Lulzim Basha, pa thirrur asnjë strukturë, pa diksutuar me asnjë nivel drejtues të zgjedhur dhe statutor të Forumit Rinor të Partisë Demokratike, i cili qartazi tani duket se ka dalë hapur kundër Lulzim Bashës dhe qëndrimit të tij në krye të PD-së./ CNA.al

FRPD i përgjigjet Bashës/ Të gjithë në Foltoren e Berishës

 

Hapet gara për rioganizimin dhe zgjedhjet në FRPD/ Kryetari zgjidhet sipas parimit 1 anëtar, 1 votë





Lajmet e fundit nga