web counter
LEXO PA REKLAMA!

SHKARKO APP

App Store
Google Play

Miratohet përfundimisht Vaksina Pfizer për fëmijët 5 deri në 11 vjeç

3 Nëntor 2021, 16:36, Lifestyle CNA

Zyrtarët amerikanë të shëndetësisë kanë dhënë miratimin përfundimtar për vaksinën Pfizer kundër COVID-19 për fëmijët 5 deri në 11 vjeç.

Dr. Rochelle Walensky, drejtorja e Qendrave për Kontrollin dhe Parandalimin e Sëmundjeve (CDC) e dha miratimin përfundimtar të martën në mbrëmje.

“Sot është një ditë monumentale në rrjedhën e kësaj pandemie,” tha Dr. Walensky.

Ajo tha se ndërsa rreziku për raste të rënda dhe vdekjes është më i ulët tek fëmijët e vegjël sesa tek të rriturit, ai është real ? dhe se COVID-19 ka pasur një ndikim të thellë social, të shëndetit mendor dhe arsimor tek fëmijët, përfshirë hendekun e pabarazive në arsim.

Njoftimi erdhi vetëm disa orë pasi një grup këshillimor ekspertësh i CDC-së vendosi unanimisht që vaksinat e Pfizer t’u jepeshin 28 milionë fëmijëve të moshës 5 deri në 11 vjeç.

Miliona doza të prodhuara nga Pfizer dhe partneri i saj BioNTech u janë dërguar tashmë shteteve, mjekëve dhe farmacive. Ato janë më të vogla, sa një e treta e atyre që përdoren për adoleshentët dhe të rriturit.

Disa informacione në këtë artikull janë nga agjencia Associated Press./voa





Lajmet e fundit nga