web counter
LEXO PA REKLAMA!

SHKARKO APP

App Store
Google Play

E fundit!

x

Kërkoi dëmshpërblim nga shteti në Gjykatën Europian/ Rrëzohet kërkesa e Ilir Beqajt, zbardhet vendimi

2 Nëntor 2021, 17:56, Politikë CNA

Gjykata Evropiane e të Drejtave të Njeriut ka vendosur në mënyrë unanime të përjashtojë kërkesën e ish-ministrit të Shëndetësisë Ilir Beqja për kompensim nga shteti shqiptar pasi atij ju hoq mandati i deputetit në vitin 2011.

Ish ministri i Shëndetësisë nga Partia Socialiste pati ankimuar në vitin 2012 në Gjykatën e Strasburgut vendimin e Kuvendit të Shqipërisë për heqjen e mandatit të tij si deputet. Ai kishte pretendime për kompensim për tre vjetët që iu hoqën si deputet.

Gjykata përmes një njoftimi ka bërë të ditur ka kërkuar disa shkresa plotësuese, por ish ministri nuk i kishte kthyer përgjigje.

Gjykata thotë se mosdorëzimi i një përgjigjeje mund të rezultojë në përjashtimin e kërkesës.

?Për sa më sipër, dhe në mungesë të rrethanave të veçanta në lidhje me respektimin e të drejtave të garantuara  nga  Konventa  dhe  Protokollet  në  të,  Gjykata,  në mbështetje të nenit  37§1(a) të Konventës, gjykon se nuk justifikohet që të vijohet më tej me shqyrtimin e kërkesës, Për këtë arsye, Gjykata, në mënyrë unanime, Vendos ta përjashtojë kërkesën nga lista e saj e çështjeve?, thuhet në përgjigjen e Gjykatës.

Ilir Beqaj paditi në Gjykatën e Strasburgut, qeverinë e asaj kohe në drejtimin e ish-kryeministrit Sali Berisha, pasi i ishte hequr mandati i deputetit me akuzën se kishte përfituar nga fondet publike.

Nëse ish-ministri i Shëndetësisë Ilir Beqaj  do të kishe dalë fitues nga ky proces, atij do t?i njiheshin vitet që nuk e ushtroi detyrën e deputetit, ku ju hoqën tre vite të mandatit, mirëpo ai hoqi dorë nga procesi e për rjedhojë edhe Strasburgu e hoqi nga lista e çështjeve për shqyrtim./euronews





Lajmet e fundit nga