web counter
LEXO PA REKLAMA!

SHKARKO APP

App Store
Google Play

E fundit!

x

Ekzekutimi i ish policit/ Dështon zbardhja e atentatit

2 Nëntor 2021, 08:22, Kronika CNA

Një ditë më parë në qytetin e Laçit, u ekzekutua me armë zjarri ish-polici, Xhelal Reçi.

Kur kanë kaluar 24 orë nga krimi i rëndë ende nuk ka autor.

Policia ende nuk është shprehur zyrtarisht mbi ngjarjen, duke u mjaftuar me njoftim të shkurtër në mëngjes, mbi orën kur ka ndodhur vrasja.

Ndërkohë, raportohet se janë shoqëruar mbi 20 persona që janë pyetur, por duket se dëshmia e tyre nuk e ka ndihmuar Policinë të zbardhë rastin.

Disa minuta pas vrasjes u gjet e djegur edhe një makinë tip Toyota me targa të huaja që dyshohet se është përdorur nga autorët për vrasjen e ish Policit.

Mjeti u gjet i shkrumbuar plotësisht dhe nuk është arritur të merret asnjë prove që mund të ndihmojë grupin hetimor për zbardhjen e ngjarjes.

Makina rezultoi të ishte e vjedhur një muaj më parë në qytetin e  Fierit.

Ish polici Xhelal Reçi, dyshohet se është ndjekur nga autorët, të cilët një ditë më parë i morën jetën.

Madje hidhen dyshime, se ai i ka vënë re ndjekësit dhe ka tentuar t?u largohet dhe t?u bllokojë rrugën, por nuk ia ka dalë.

Ai është qëlluar me dy plumba, pranë bizneseve të tij dhe autorët janë larguar më pas me një makinë që i priste e ndezur.

As të shoqëruarit dhe as kamerat e bizneseve rrotull, duket se nuk kanë qenë ndihmë për policinë.

Por, pista kryesore ku po hetohet janë konfliktet e djalit të tij, Besnik Reçi, ndaj të cilit një vit më parë iu bë atentat, ndërsa udhëtonte me gruan dhe fëmijët.

Edhe atentati ndaj tij nuk është zbardhur ende, duke i dhënë kështu përmasa të tjera ngjarjes./CNA.al





Lajmet e fundit nga