E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Luhet sot Dinamo-Kukësi, ja si pritet të zbresin në fushë ekipet

29 Tetor 2021, 07:48, Sport CNA

Do të luhet sot në orën 19:45, sfida mes Dinamos dhe Kukesit, e vlefshme për javën e shtatë të Kategorisë Superiore. Kjo javë nuk ka shkuar edhe aq mirë për blutë e Dinamo në aspektin stërvitor, pasi disa lojtarë kanë shfaqur probleme fizike duke vënë në dyshim ndeshjen e sotme me Kukësin.

Përveç mesfushorit nga Mali, Ali Samake, dhe mbrojtësit të krahut të djathtë, Edis Maliqi, të dëmtuar para ndeshjes me Skënderbeun, ka pasur një problem edhe për qendërmbrojtësin, Aleksandër Sofranak.

Madje, edhe sulmuesi kryesor, Stefen Çinedu, ka pasur shqetësime të vogla duke e vënë në pozita të vështira trajnerin Shkëmbi. Gjithsesi, ai shpreson t?i rikuperojë deri në momentin e fundit. Sofranak pritet të shtrëngojë dhëmbët dhe të sakrifikojë për ekipin në këtë ndeshje të rëndësishme.

Trajneri Shkëmbi ka deklaruar dje se do të ketë ndryshime në formacion, por pa përmendur emra. Gazeta mëson se Rimal Haxhiu, pas paraqitjes së mirë në Korçë, pritet ta nisë ndeshjen e sotme nga minuta e parë në krahun e djathtë të mesfushës, shkruan “Panorama Sport”.

Ky repart do të kompletohet me Sidiben dhe Demirin në qendër, ndërsa në të majtë do të luajë Redon Mihana. Në mbrojtje gjithçka varet nga gjendja e Sofranakut: Nëse ai luan, atëherë ky rapart do të jetë si gjithmonë me Siljanovskin e rikthyer nga skualifikimi, Imamin, malazezin dhe Isaevskin.

Kapiteni Ibraimi do të luajë pas shpinës së Çinedusë, gjithmonë nëse ky i fundit do të jetë në gjendje të zbresë në fushë. Në rast se Sofranak dhe Çinedu nuk ia dalin, atëherë situata komplikohet për stafin e bluve, që duhet të bëjë sërish spostime si me Vllazninë.

Thuhet shpesh se formacioni fitues nuk ndryshohet dhe me këtë filozofi po ecën edhe trajneri Diego Longo. Paraqitja e bërë ndaj Vllaznisë javën e kaluar, ku edhe arritën një fitore në shifrat 2-0, e ka lënë të kënaqur teknikun italian, i cili pritet që të hedhë në fushë të njëjtët titullarë.

Shqetësimi i vetëm ishte spanjolli De Lukas, i cili pësoi një dëmtim në sfidën me shkodranët, por raportohet se ai do të jetë i gatshëm për skuadrën dhe do të hidhet në fushë nga minuta e parë. Edhe në këtë përballje pritet të aplikohet skema me 9 fals, siç ndodhi ndaj Vllaznisë, duke mos i lënë pikë referimi në sulm skuadrës së tij.

Milunoviç dhe Feijao do të ndërrojnë shpesh pozicionet, ndërsa kroati Edi Basha pritet ta nisë sërish nga stoli. Në mesfushë rikonfirmohet Hila, i cili nuk luan më si qendërmbrojtës.