web counter
LEXO PA REKLAMA!

SHKARKO APP

App Store
Google Play

E fundit!

x

Ish-kapiteni Lako tregon recetën: Ja çfarë duhet të bëjë Skënderbeu për të dalë nga kriza

29 Tetor 2021, 10:51, Sport CNA

Skënderbeu ndodhet në fund të tabelës së klasifikimit pas gjashtë javësh kampionat, duke mos përmbushur pritshmëritë e drejtuesve të klubit. Skuadra korçare nuk ka arritur ende fitoren e parë dhe kjo natyrisht që ka zhgënjyer jo vetëm pjesëtarët e ekipit, por edhe tifozët bardhekuq, të cilët e kanë mbështetur Skënderbeun.

Fitorja në javët e mbetura të fazës së parë është një detyrim për bardhekuqtë nëse kërkojnë që t?i ikin fundit. Ndaj Dinamos të shumtë kanë qenë ata që e kanë menduar ndryshe këtë takim, përfshi këtu edhe ish-kapitenin korçar, Stavrion Lako. Ish-mbrojtësi i Skënderbeut analizon situatën aspak të qetë që është duke kaluar ekipi i drejtuar nga Migen Memelli. Për ish-lojtarin bardhekuq, skuadra ka nevojë për ndërhyrje në merkato dhe lojtarë cilësorë dhe shumë eksperiencë.

?Fjalët e mira në këto momente i takojnë trajnerit dhe Memelli ka bërë gjënë e duhur për të shkundur lojtarët dhe për t?iu dhënë atyre mesazhin se janë një grup i mirë. Në fakt, Skënderbeu kur luan me topin poshtë, është më i saktë dhe cilësor. Nuk e kuptoj se pse e humbim topin me pasime të gjata që shpeshherë dalin bosh. Ekipi ka cilësi, por për mendimin tim merkatoja e janarit është shpëtim për këtë ekip. Duhen dy lojtarë me eksperiencë për të bërë ndryshimin dhe për të nxjerrë skuadrën nga momentet e vështira?, përfundoi ish-mbrojtësi Stavrion Lako.





Lajmet e fundit nga