web counter
LEXO PA REKLAMA!

SHKARKO APP

App Store
Google Play

Ristani ashpërson tonet ndaj Bashës/ "Autokrati që s’ka lexuar kurrë statutin"

26 Tetor 2021, 11:57, Politikë CNA

Ish-sekretari i përgjithshëm i PD, Arben Ristani ka folur me tone të ashpra ndaj kreut të PD, Lulzim Basha, të cilin e ka akuzuar se po shkel statutin e partisë në çdo veprim që ndërmerr.

Ai ka deklaruar se nuk sheh asnjë betejë Berisha-Basha, por në fakt është një betejë e demokratëve kundër Bashës.

?Basha pavarësisht se është kryetar i PD nuk besoj ta ketë lexuar ndonjëherë statustin sepse në çdo hap që ndërmerr e shkel atë. Në partitë tona, individët nuk kanë fuqi vendimmarrëse. Në këto kushte duhet të mblidhet Kuvendi për të zgjidhur këtë ngërç.  Unë nuk e shoh si betejë Berisha-Basha, por si betejë të demokratëve që duan zbatimin e statutit dhe autokratit që e shkel atë. Ne duam ta vendosim PD-në në baza statutore e ligjore. Kemi një njeri që nuk pyet ligjin dhe është mbi të. Nuk është beteja Berisha-Basha, por demokratët me Bashën. Nëse shtrohet pyetja kush fiton, në fakt fitojnë demokratët?, ka theksuar Ristani për Report Tv.

Nga ana tjetër, ai e ka cilësuar Berishën si një katalizator të fuqishëm që arrin ta orientojë këtë problem.

?Berisha, katalizator i fuqishëm që arrin ta orientojë këtë problem. Anëtarët e Kuvendit janë të zgjedhur një anëtar një votë. Kur shumica duan Kuvendin për ta zgjidhur këtë problem, do të thotë që është shumica kundër kryetarit?, tha Ristani.





Lajmet e fundit nga