Champions League/ Përmbysje e "çmendur" e United, Bayerni shënon 3 gola për 5 minuta

20 Tetor 2021, 20:54, Sport CNA

Janë mbyllur gjashtë sfidat e mbrëmjes të vlefshme për xhiron e tretë të fazës së grupeve në Champions League. Man Utd ka arritur të mposhtë Atalantën me rezultatin 3-2 në Champions League duke arritur një përmbysje të çmendur. Ekipi anglez ka fituar sot me përmbysje në një sfidë që deri në pjesën e dytë foli për skuadrën italiane.

Goli i Pashaliç dhe më pas ai i Demiral bën që ?djajtë e kuq? të shihnin shumë pranë eliminimin thuajse të sigurt. Por në pjesën e dytë situata ndryshoi plotësisht pasi ekipi i Solskjaer ishte më ngulmues dhe pasi shkurtoi diferencën me Rashford, gjeti barazimin me Maguire. Minutat e fundit ishin të gjithë në sulm derisa erdhi goli me kokë i Ronaldos, i cili vendosi vulën e tij edhe në këtë ndeshje e i dha tre pikë të arta skuadrës e cila ngjitet në kreun e grupit.

Sakaq, Bayern Munichu ka vazhduar me fitore bindëse duke e mposhtur Benfican në Estadio da Luz me rezultat 0-4. Gjysma e parë e ndeshjes së luajtur në Portugali nuk prodhoi gola, por në fraksionin e dytë, bavarezët e nënshtruan ekipin vendas duke i shënuar 3 gola për 5 minuta, pasi Sane kishte zhbllokuar fillimisht rezultatin. Një super paraqitje e bavarezëve.

Në Grupin H, një gol i Dejan Kulusevskit i ka dhënë Juventusit sot një fitore shumë të rëndësishme, duke mbajtur skuadrën e Masimiliano Alegrit në kreun e grupit. Në një duel shumë të komplikuar përballë Zenit në transfertë, suedezi hyri në pjesën e dytë të ndeshjes dhe në fund të sfidës shënoi një gol të pazakontë për të, më një gjuajtje me kokë. Aq mjaftoi që Juventusi të ketë pikët e plota pas 3 ndeshjesh e të jetë thuajse i kualifikuar, duke menduar tashmë për të ruajtur vendin e parë.

Bardhezinjtë ndiqen nga Çelsi, që fitoi me lehtësi 4-0 ndaj Malmo. Golat e Kristensen dhe Havertz, si dhe dy penalltitë e Zorzhinjos, bënë gjithçka të thjeshtë për kampionët në fuqi. Ndërkohë, Çelsi përballet me Malmo, duke shpresuar te një hap fals i bardhezinjve, për të kthyer përsëri në garë londinezët për kreun. Ndërkaq, nuk ka pasur surpriza në ndeshjet e tjera…

Rezultatet:

Manchester United-Atalanta 3-2
Benfika-Bayern 0-4
Chelsea-Malmo 4-1
Lile-Sevilla 0-0
Young Boys-Villareal 1-4
Zenit-Juventus 0-1

Renditjet: