web counter
LEXO PA REKLAMA!

SHKARKO APP

App Store
Google Play

ZYRTARE/ Trajneri largohet me konsensus nga skuadra e Premier Ligës

20 Tetor 2021, 11:06, Sport CNA

Steve Bruce nuk është më trajneri i Newcastle. Ka qënë vetë klubi që e ka bërë të ditur këtë lajm përmes një deklarate zyrtare, ku thekson se bëhet fjalë për një prishje konsensuale të kontratës.

Për ndeshjen e radhës në kampionat kundër Crystal Palace, që do të zhvillohet pasditen e së shtunës, në pankinën e Newcastle do të ulet zëvendësi i tij  Graeme Jones.

?Newcastle konfirmon se Steve Bruce nuk është më trajner i skuadrës, pasi është larguar pas një marrëveshjeje të përbashkët. Ai e ka drejtuar skuadrën për më shumë se 2 vite, duke e renditur klubin në vendin e 13-in dhe të 12-in në Premier League si dhe duke arritur në çerekfinalet e FA Kupës dhe Kupës së Ligës gjatë drejtimit të tij. Newcastle falënderon teknikun për kontributin e dhënë dhe i uron fat në të ardhmen?, shkruhet në deklaratën e klubit.

Edhe vetë tekniku Bruce ka folur për këtë largim: ?I jam mirënjohës të gjithëve që kanë lidhje me Newcastle, për mundësinë që më dhanë tek ky klub unik.

Dua të falënderoj stafin dhe lojtarët për punën e tyre. Ka patur ulje dhe ngritje, por ata kanë dhënë maksimumin edhe në momentet më të vështira dhe duhet të jenë krenarë për përpjekjen e tyre.

Ky është një klub me një tifozeri të mrekullueshme dhe shpresoj që pronarët e rinj ta çojnë aty ku meriton të jetë. U uroj të gjithë të mirat për pjesën e mbetur të sezonit dhe për të ardhmen?.

Klubi njofton se po punohet për të gjetur trajnerin e ri dhe do të dalë në një deklaratë zyrtare kur të arrihet marrëveshja.





Lajmet e fundit nga