web counter
LEXO PA REKLAMA!

SHKARKO APP

App Store
Google Play

ZYRTARE/ Laçi emëron trajnerin e ri, zbulohet kujt ia ka besuar stolin

20 Tetor 2021, 11:15, Sport CNA

Sero Noka është trajneri i ri i Laçit. Lajmi i paralajmëruar nga ?Panorama Sport? në numrin e së hënës është konfirmuar zyrtarisht në seancën e djeshme. Ish-ndihmësi i Shpëtim Duros në pankinën kurbinase gjatë sezonit të kaluar, por gjithashtu edhe te Kukësi dy vite më parë, ka drejtuar të martën skuadrën bardhezi në seancën e radhës në prag të takimit që do të luhet të shtunën në transfertë ndaj Kastriotit. Noka e njeh mirë ambientin dhe ka besimin e presidentit Pashk Laska për të drejtuar ekipin si trajner i parë.

Në të kaluarën lezhjani ka pasur eksperienca jashtë Shqipërisë duke punuar edhe në klubin e njohur francez, Le Havre. Noka do të ketë si bashkëpunëtor Klevis Himën, i cili është prej vitesh në stafin bardhezi, në rolin e zv.trajnerit. Edhe si përgatitës i portierëve do të vazhdojë të punojë Kujtim Shtama.

Pas largimit të trajnerit malazez, Dejan Vukiçeviç, për shkak të rezultateve jo të mira në fillim të këtij kampionati, tashmë drejtuesit e klubit presin që skuadra të bëjë menjëherë kthesën në takimin e radhës ndaj Kastriotit në stadiumin e Kamzës. Në dyshim për këtë ndeshje është golashënuesi më i mirë, Zarubica, i cili u dëmtua ndaj Egnatias duke lënë fushën pa u mbyllur pjesa e parë.





Lajmet e fundit nga