Vrasjet mafioze në Elbasan/ Profili i 45 vjeçarit që merr në duar e “frerët” e policisë

18 Tetor 2021, 12:31, Aktualitet CNA

Rreth katër muaj ka qëndruar në krye të Policisë së Elbasanit Gjovalin Lokaj.

Ai është larguar sot nga kjo detyrë për t?u tranferuar në krye të Drejtorisë së Policisë, Korçë.

Kujtojmë se Loka ishte drejtori i Sigurisë Publike, që në Korrik të vitit 2021, u bë ?kurbani? i parë i ristrukturimit të Policisë së Shtetit.

Në vend të Lokës në Elbasan është emëruar Ardian Çipa, prej të cilit pritet që ti vërë “frerë” krimit.

Pasi Elbasani është qarku, të cilin krimi e ka të tijin.

Konfirmimi ka ardhur më herët edhe nga Prokurori i Përgjithshëm, Olsian Çela, rreth një vit më parë.

?Niveli i krimit të rëndë dhe organizuar në Elbasan po rritet. Po vihet se re krimi po kontrollon qytetin dhe jetën ekonomike. Kërkojnë vëmendje të veçantë dhe përgjigje ekzemplare nga shteti. Një qytet s?mund të kthehet në vend për luftë mes bandash për kontroll territoresh apo për hesapet mes tyre.

Kjo që ndodh është maja e ajsbergut. As Elbasani dhe as qytete të tjera nuk mund të merren peng nga këto grupe?, është shprehur Çela në një mbledhje me drejtuesit lokalë të prokurorisë dhe të Policisë.

Drejtues Ardian Çipa ka lindur më 14 Shtator 1976 në Himarë. Është i martuar dhe ka një fëmijë. Ka përfunduar studimet për drejtësi në Universitetin e Tiranës, në vitin 2014. Në harkun kohor 1996 ? 1999 ka kryer Akademinë e Policisë në Tiranë.

Shkollën e Mesme të Përgjithshme e ka kryer në gjimnazin ?Spiro Gjiknuri? Himarë të cilin e ka përfunduar në vitin 1996. Arsimin 8 ? vjeçar e ka kryer në Himarë (1983 ? 1991).

Drejtues Ardian Çipa është emëruar në detyrën e Drejtorit të Policisë së Qarkut Tiranë në Tetor 2013. Ka ushtruar detyra të rëndësishme në Policinë e Shtetit sikurse

Shef i Sektorit Kundër Trafiqeve të Paligjshme në Drejtorinë e Përgjithshme të Policisë së Shtetit prej vitit 2008;

Zëvendësdrejtor i Drejtorisë së Policisë së Qarkut Vlorë 2009;

Zëvendësdrejtor i Policisë së Qarkut Elbasan 2007 ? 2008;

Specialist në Sektorin Kundër Trafiqeve të Paligjshme në Drejtorinë e Përgjithshme të Policisë së Shtetit 2006 ? 2007;

Shef i Policisë Kriminale të Komisariatit të Policisë nr.3 Tiranë 2004 ? 2006;

Shef i Nënseksionit të Policisë Kriminale në Komisariatin e Policisë nr.3 Tiranë 2003 ? 2004;

Inspektor i Policisë Kriminale në Komisariatin nr.3 Tiranë 2000 ? 2003; Inspektor i Policise Kriminale ne Komisariatin e Policise nr.1 Tirane 1999 ? 2000.

Ka kryer një sërë trajnimesh brenda dhe jashtë vendit të cilat kanë ndikuar në formimin e tij profesional dhe intelektual.

Ardian Çipa ka menaxhuar për një periudhë të konsiderueshme kohe të gjitha aktivitetet e strukturave kundër trafiqeve të paligjshme në nivel qendror të Policisë së Shtetit. Gjithashtu ka qënë i ngarkuar me hartimin e planeve vjetore dhe përcaktimin e objektivave në drejtim të parandalimit e luftës kundër trafiqeve të paligjshme, koordinimin ndërmjet strukturave vendore kundër trafiqeve të paligjshme, kryerjen e hetimeve për grupe apo individë të implikuar në trafiqe të paligjshme në aktivitete të ndryshme apo me shtrirjen e aktivitetit kriminal në nivel ndërkombëtar.

Gjithashtu ka mbajtur kontakte me organizata ndërkombëtare që merren me çështjet e menaxhimit të lartë, të luftës kundër trafiqeve të paligjshme sikurse trafikimi i qënieve njerëzore, armëve dhe municionit, veprat e artit e kulturës etj.

Zoti Çipa ka njohuri shumë të mira në gjuhën Angleze dhe Greke./CNA.al