web counter
LEXO PA REKLAMA!

SHKARKO APP

App Store
Google Play

E fundit!

x

Jetoi 17 vite në internim/ Ndahet nga jeta nëna e analistit Fatos Lubonja

18 Tetor 2021, 12:05, Aktualitet CNA

Ka ndërruar jetë në moshën 95-vjeçare Liri Lubonja, nëna e analistit të njohur, Fatos Lubonja.

Lubonja ishte një historiane dhe gazetare në Shqipërinë komuniste. Ajo ishte e martuar me Todi Lubonjën, i cili, në vitin 1973, u shkarkua nga posti i drejtorit të televizionit dhe u dënua me 15 vite burg.

Duke qenë që nuk pranoi ndarjen me Todin, ajo si gjithë familja, vuajti persekutimet e regjimit.

Në vitin 1973, përjashtohet nga partia, ku ishte pranuar që në vitin 1944 dhe internohet familjarisht në Lezhë, pasi iu komunikua shpërngulja në mars të atij viti. Nga Instituti i Historisë ku punonte para 1973, nis punë në një magazinë bujqësore në Lezhë në tetor të 1973.

Në korrik të vitit 1974, arrestohet i biri, Fatos Lubonja dhe pas dy ditësh, bashkëshorti, Todi. Liria dhe djali tjetër, Agimi, detyrohen të lirojnë banesën në Lezhë. Në vitin 1982, i dëbojnë në Fishtë. Internimi përfundon në vitin 1989. Në vitin 1987 ishte liruar nga burgu, Todi Lubonja.

Liri Lubonja është krijuesja e disa veprave letrare, si ?Larg dhe mes njerëzve?, ?Kujtime internimi 1973-1990? dhe ?Kohët e reja, kujtimet e vjetra?.





Lajmet e fundit nga