web counter
LEXO PA REKLAMA!

SHKARKO APP

App Store
Google Play

Terrorizuan banorët duke shtënë më armë zjarri/ Arrestohen dy persona

18 Tetor 2021, 10:24, Kronika CNA

Dy shtetas, L. Ç., 23 vjeç dhe A. D., 24 vjeç, janë arrestuar nga policia në Vorë sepse po qëllonin me armë zjarri në ajër duke terrorizuar qytetarët.

Gjatë kontrollit fizik shërbimet e Policisë gjetën dhe sekuestruan një armë zjarri automatik, një sasi të vogël lënde narkotike kanabis dhe sende të tjera të kundërligjshme.

Njoftimi i plotë i policisë:

“Qëlluan me armë zjarri në ajër, falë denoncimit të qytetarëve dhe reagimit të menjëhershëm të Policisë u bë i mundur identifikimi, kapja dhe arrestimi i dy të rinjve. Specialistët për Hetimin e Krimit në Komisariatin e Policisë Vorë, menjëherë pas marrjes së njoftimit nga qytetarët, se në vendin e quajtur ?Kuç-Vorë?, mbi kodrat e fshatit Gjokaj, po qëllonin me armë zjarri në ajër, kanë shkuar në vendngjarje, duke bërë të mundur identifikimin dhe arrestimin në flagrancë të autorëve të dyshuar të ngjarjes, shtetasve: L. Ç., 23 vjeç dhe A. D., 24 vjeç të dy banues në Shijak.

Gjatë kontrollit fizik dhe të automjetit të tyre që u gjet në vendin e ngjarjes, shërbimet e Policisë gjetën dhe sekuestruan një armë zjarri automatik, një sasi të vogël lënde narkotike kanabis dhe sende të tjera të kundërligjshme.

Në vijim të veprimeve hetimore, këta shtetas kanë rezultuar edhe autorë të ngjarjes së ndodhur më datë 03.10.2021, ku shtetasi B. V. ka kallëzuar se është qëlluar me armë zjarri në ajër dhe për pasojë është dëmtuar automjeti i tij”. /CNA.al 





Lajmet e fundit nga