web counter
LEXO PA REKLAMA!

SHKARKO APP

App Store
Google Play

Viti i ri akademik/ Rakipllari: Ka hezitim të studentëve për t’u vaksinuar

16 Tetor 2021, 16:51, Aktualitet CNA

Ditën e hënë, më 18 tetor do të nisë viti i ri akademik, i cili do të rikthejë studentët në auditore, pas dy vitesh mësim online.

E ftuar në News 24, zv. dekania e Fakultetit të Historisë dhe Filologjisë, Elsa Rakipllari e cilësoi këtë vit akademik si një vit shumë sfidues për të gjitha institucionet arsimore.

?Vijmë pas dy vitesh mësim në kushte pandemie dhe mësim online, ndaj edhe kemi një sërë paqartësish për mënyrën si do të vijohet. Sipas urdhrit studentët do të hyjnë në auditorë duke paraqitur certifikatën e vaksinimit, duke shmangur mësimin online,? u shpreh ajo.

Sa i takon procesit të vaksinimit të studentëve, si një kusht për pjesëmarrjen e tyre në auditor, zv.dekania u shpreh se fushata e ndërgjegjësimit nuk ishte e mjaftueshme dhe se vendimi u mor shumë vonë.

?Ka patur një hezitim përsa i përket studentëve për t?iu nënshtruar vaksinës. Dhe mendoj se kjo ka ardhur më së pari për shkak të një fushate ndërgjegjësimi jo të mjaftueshme. Nuk është komunikuar mjaftueshëm me studentët. Është bërë e qartë shumë vonë që vaksina do të jetë me detyrim ndërkohë që mund të ishte shfrytëzuar fare mirë edhe muajt e verës për ta sensibilizuar këtë grup moshë?, tha ajo./ CNA.al





Lajmet e fundit nga