web counter
LEXO PA REKLAMA!

SHKARKO APP

App Store
Google Play

E fundit!

x

Berisha feston ditëlindjen në Korçë/ Shpresë për ringritjen e PD

15 Tetor 2021, 09:41, Politikë CNA

Ish-kryeministri dhe lideri historik i demokratëve, Sali Berisha pasditen e sotme do të zhvillojë ?Foltoren? e radhës me demokratët e Korçës.

Por, mesa duket për demokratët e Korçës, sot do të jetë një festë e dy-fishtë. Kjo për shkak se Berisha sot feston edhe 77-vjetorin e lindjes.

Berisha ka zgjedhur pikërisht qytetin e Mësonjëtores dhe serenatave për “Foltoren” e radhës, që përkon pikërisht me ditëlindjen e tij.

Ish-kryeministri Berisha në vitet ’90 ka pasur edhe një shprehje, ku thoshte se ?Po të do Korça, të do gjithë Shqipëria?.

Ndërsa sot ai po tregon pikërisht atë që ka thënë gati 30 vite më parë. Ai ka zgjedhur Korçën dhe demokratët e këtij qyteti për të festuar 77-vjetorin e lindjes.

Ndryshe nga Lulzim Basha, i cili Korçën nuk e deshi kurrë, por i la të papërfaqësuar, duke iu dërguar si përfaqësues sharlatanë politikë që nuk i voton as fshati i tyre, Berisha duket se ka një tjetër qasje ndaj qytetit të serenatave.

Korça sot pret Berishën me shpresën se PD do të bëhet më e hapur dhe më e fortë.

Kujtojmë këtu se Berisha prej disa kohësh ka filluar takimet me demokratët në terren, në kuadër të ?Foltores?, e cila ka si qëllim bashkimin e së djathtës dhe kthimin e saj në një parti fituese.

Ndërsa deri tani, Berisha ka zhvilluar takime në Tiranë, në Fier, në Vlorë, në Shkodër, në Durrës, në Gjirokastër dhe në Kukës, ndërsa sot do të jetë në Korçë./CNA.al





Lajmet e fundit nga