web counter
LEXO PA REKLAMA!

SHKARKO APP

App Store
Google Play

Operacioni “Bregdeti Ynë”/ Çuçi: Mbi 60 ndërtime pa leje u shembën gjatë shtatorit nga Vlora në Sarandë

14 Tetor 2021, 16:12, Aktualitet CNA

Ministri i Brendshëm, Bledi Çuçi ka deklaruar se në kuadër operacionit ?Bregdeti Ynë?, vetëm në muajin shtator janë shembur 60 objekte të ndërtuara pa leje ose në shkelje flagrante të lejes në bashkinë e Vlorës, Himarës dhe Sarandës.

Nëpërmjet postimi në rrjetet sociale, Çuçi ka theksuar se do të pastrohet i gjithë bregdeti nga ndërtesat e paligjshme.

?Inspektoriati Kombëtar i Mbrojtjes së Territorit vijon operacionin ?Bregdeti Ynë?. Vetëm gjatë muajit shtator kur ky operacion rinisi pas sezonit veror, janë shembur mbi 60 objekte të ndërtuara pa leje apo në shkelje flagrante të lejes në bashkitë Vlorë, Himarë e Sarandë.

Kush ka menduar se ishte thjesht një aksion, me siguri do të jetë zhgënjyer po aq sa ata që i ngritën këto objekte në shkelje të ligjit dhe tani duhet të përballen me pasojat. Do të pastrojmë të gjithë territorin e vendit, vijën bregdetare po e po siç nisëm në qershor, nga zaptuesit që duhet ta mësojnë njëherë e mirë se ka perënduar koha kur gjeje shesh e bëje përshesh nën hundën e shtetit.

IKMT dhe Policia e Shtetit bashkë me institucionet e tjera po punojnë ndërkohë të evidentojnë objekte pa leje edhe në zonat e mbrojtura dhe akset rrugore kombëtare, të cilat do të shemben pa as më të voglin hezitim“, shkruan Çuçi./ CNA.al





Lajmet e fundit nga