E fundit!

21:42 Kronika

Konflikt mes vëllezërve në Kavajë/ Ndërron jetë 74-vjeçari, u godit me thikë

Një ngjarje tragjike ka ndodhur mbrëmjen e sotme në fshati...

"Pse bëni shenja pas krahëve”/ Zbardhet sherri mes mësueseve të "Çajupit": Ta vë pistoletën në ballë

13 Tetor 2021, 15:33, Aktualitet CNA

Detaje të reja janë zbardhur nga sherri banal midis dy mësueseve të shkollës “Andon Zako Çajupi”, asaj të letërsisë E.Q, dhe të historisë D.T.

Mësohet se motivi i sherrit ka nisur një javë më parë, në ambientet e shkollës, kur D.T i ka kërkuar llogari E.Q se përse e shajnë prapa krahëve të saj.

“Pse më bëni shenja pas krahëve”, mësohet të ketë thënë ajo. Injorimi nga ana e mësueses së Letërsisë ka bërë që ajo e historisë të acarohet dhe t’i kthehet me ofendime, madje duke hyrë në detaje personale si divorci.

“Një javë më parë takoj në katin e parë kolegen time D..dhe më thotë “Pse më bëni shenja pas krahëve të mi”. Dhe filloi duke më sharë dhe ofenduar, filloi të më përmendë pjesën që jam divorcuar. E lashë dhe i thashë më ler rehat. Marr në telefon burrit tim dhe i tregoj për situatën. Ai mori në telefon dhëndrin e D...., E.K pasi kishte njohje me të dhe i ka kërkuar që vjehrra e tij të mos e shqetësonte më në punë. Ai i premtoi se do ta sqaronte dhe s’do më shqetësonte më”, ka thënë E.Q për Abc News.

Por të premten mësuesja e historisë, i ka bërë sërish presion me djalin e saj, i cili kishte shkuar në shkollë duke e pritur. Në këtë rast E.Q ka telefonuar bashkëshortin e saj.

“Situata u qetësua derisa më thirri D.... të premten duke qarë dhe më tha do më marrësh në qafë djalin, ai ka ardhur këtu e do ta shohësh ca do të të bëj do të të rrah. Unë mora në telefon partnerin i thashë hajde më merr se kam frikë. Duke dalë shoh djalin e D... me disa shokë të tij dhe më tha “ke bërë gabimin më të madh të jetës tënde do të të vrasim”, ka deklaruar ajo.

Edhe mësuesja e Historisë në deklaratën e saj ka treguar se është kërcënuar nga të afërmit e E.Q.

“Ajo ishte ulur në tavolinë me 4-5 persona të tjerë njëri ishte komshiu im. Ato filluam duke më bërtitur do iu varim do iu presim, nuk pyes për çunin tënd ai është i vetëm, a më njeh mua unë jam shef policie. Njëri prej tyre më kapi për krahu më goditi me grushte 2 herë, desh më ra të fikët. Duke dalë nga lokali ato goditën dhëndrin tim e ai u është përgjigjur se është boksier. Në lokal njëri më nxorri pistoletën dhe më thanë ta vej në ballë. Ai ishte vëllai i E.Q”, deklaron D.T./ CNA.al