web counter
LEXO PA REKLAMA!

SHKARKO APP

App Store
Google Play

A duhet të hiqen kufizimet shëndetësore?

7 Tetor 2021, 15:24, Lifestyle CNA

Nga Dr. Blerta Brati, mjeke mikrobiologe

Një muaj pas heqjes së të gjitha kufizimeve shëndetësore, Danimarka nuk ka parë një përkeqësim të epidemisë, megjithëse shkencëtarët po bëjnë thirrje për kujdes.

A duhet të hiqen kufizimet shëndetësore?

Ndërsa shumica e vendeve evropiane po përjetojnë një rënie të konsiderueshme të epidemisë Covid-19 kryesisht për shkak të vaksinimit, disa konsiderojnë se masat shëndetësore të cilave iu nënshtrohen popullat nuk janë më të nevojshme dhe duhet të braktisen.

Një pjesë e vogël e vendeve evropiane kanë vendosur të bëjnë hapin e duhur dhe të fillojnë një kthim të plotë në jetën normale.

Ky është rasti i Danimarkës, e cila hoqi të gjitha masat e saj sanitare më 10 shtator. Danezët tani janë kthyer në “jetën më parë”, pa maska, distancim shoqëror dhe pass shëndetësor.

Numri i shtrimeve në spital vazhdon të bjerë dhe vetëm 86 danezë me Covid-19 janë shtruar aktualisht, duke përfshirë 12 në kujdes intensiv, krahasuar me 147 që nga 31 gushti. Numri i vdekjeve mbetet i qëndrueshëm dhe relativisht i ulët: rreth 20 danezë vdesin çdo javë nga Covid-19, për një popullsi prej 6 milion banorësh

“Virusi nuk është më një kërcënim për shoqërinë dhe epidemia tani është nën kontroll,” tha qeveria daneze në mbështetje të vendimit të saj.

Një muaj pas kthimit në jetën normale, ndoshta është ende shumë herët për të bërë një vlerësim të vendimit danez. Për 18 muaj, ngjarjet na kanë mësuar se evolucioni i epidemisë ndonjëherë mund të marrë rrugë të papritura. Norvegjia dhe Suedia gjithashtu i kanë dhënë fund masave të kufizimeve sanitare.





Lajmet e fundit nga