web counter
LEXO PA REKLAMA!

SHKARKO APP

App Store
Google Play

E fundit!

x

Vrau kunatën/ Gjykata e Apelit jep vendimin për Dashamir Xhepën

5 Tetor 2021, 10:40, Kronika CNA

Gjykata e Apelit ka vendosur të lërë në fuqi vendimin për dënimin me burg të përjetshëm për Dashamir Xhepën.

Ky i fundit akuzohet se në 14 shkurt 2019 ka vrarë gruan e vëllait, Lirie Xhepën, nënë e 4 fëmijëve.

Trupi i pajetë i Lirie Xhepës u gjet në Liqenin e Sharrës.

Kujtojmë këtu se 49-vjeçarja, pasi ishte torturuar dhe goditur me sende të forta në pjesë të ndryshme të trupit, ishte qëlluar tre herë me pistoletë nga kunati i saj. Pas këqyrjes së kufomës, burimet zyrtare thanë se gruaja e masakruar ka marrë një plumb në kokë, dhe dy në bark. Pas ngjarjes së rëndë dhe hetimeve, policia identifikoi autorin e krimit makabër, i cili ishte kunati i Lirie Xhepës.

Gjithashtu, nga hetimet ditën e ngjarjes u zbulua se viktima ishte vrarë në një vend tjetër dhe më pas ishte hedhur në një ferrë pranë liqenit të Sharrës. Sipas hetuesve, vrasja e 49-vjeçares ishte bërë rreth orës 21:00-22:00 të datës 13 shkurt. Lirie Xhepa ishte larguar nga banesa pasditen e datës 13 pa lenë adresë.

Pasi nuk kishte shkuar në shtëpi as në mëngjes, djemtë e saj kishin shkuar në komisariatin nr.6 për të denoncuar zhdukjen dhe aty kishin marrë edhe lajmin se nëna e tyre ishte ekzekutuar. 49-vjeçarja, ishte e ve, prej 15 vitesh ajo kishte humbur bashkëshortin dhe ishte nënë e 4 fëmijëve. Ajo jetonte me dy djemtë e saj të vegjël ndërsa dy të tjerët i kishte në emigrim një në Angli dhe tjetri në Greqi.





Lajmet e fundit nga