web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha publikon videon/ Çfarë ndodhi në oborrin e efektivit të policisë

30 Shtator 2021, 12:05, Kronika CNA

Gazetari investigativ, Artan Hoxha ka dhënë detaje tronditëse në lidhje me situatën kriminale në vend, dhe rrezikun që i kanoset efektivëve të Policisë së Shtetit.

Nga studio e Abcnews, gazetari Hoxha ka publikuar një video, të ndodhur në 5 janar të vitit 2020, ku një sasi lëndë plasëse ka shpërthyer në oborrin e banesës së një efektivi policie, por për ngjarjen në fjalë nuk ka ende asnjë të arrestuar.

?Kjo ka ndodhur në 5 janar të vitit 2020, para oborrit të një punonjësi policie.  

Punonjësi sapo ka dalë nga banesa dhe po shkon të marrë turnin e tretë.

Por, duke e ditur që bën punë me rrezikshmëri ka instaluar dhe kamera, pra polici detyrohet të mbrojë veten duke instaluar kamera. Ndërkohë vetë ai ka ikur në punë, ndërsa në banesë ndodhet bashkëshortja dhe vajza e tij.

Dhe shikoni çfarë ndodh. Në 5 janar nuk bie shi në Shkoder, dhe autori që ka vënë lëndën plasëse ka marrë çader sepse e di që polici ka kamer sigurie.

Qëllimi nuk ka qënë vrasja, por ta terrorizojë dhe për ti thënë se ne të bëjmë gropën. Gati 30 sekonta pasi e hedh te dera largohet. A ka autor kjo ngjarje sot? Jo?-tha Artan Hoxha.

Më tej, ai I drejtoi mesazhe të forta autoriteteve, ndërsa theksoi se kjo punë zgjidhet nga ata që bëjnë ngushëllime.

?Kjo punë zgjidhet nga ai i madhi, ai që bën ngushëllime,. Zgjidhet nga kryeministri, nga presidenti, nga kryetari i parlamentit. Prokurorët e gjyqtarët që lirojnë persona të rrezikshëm nga qelia, i kap vettingu humbin karrierën, ndërsa policët humbin jetën?-tha ndër të tjera gazetari Hoxha./CNA.al





Lajmet e fundit nga